InfoHub Logo

                                                         

Qazaq ulttyq ýnıversıteti óziniń negizin 1934 jyly 15 qańtarda qalaǵannan bastap Qazaqstandaǵy bilim berý júıesiniń , ýnıversıtettik dástúrlerdiń, kásibı bilikti ǵylymı jáne pedagogıkalyq mektepterdiń bastaý – kózi boldy.KazUÝ-dyń qabyrǵasynda Qanysh Sátbaev, Muhtar Áýezov, Ermuhan Bekmahanuly, Álkeı Marǵulan, D.Sokolskıı tárizdi asa kórnekti ǵylym men mádenıet qaıratkerleri dáris  alǵan bolatyn. Ál-Farabı atyndaǵy QazUÝ – Qazaqstandaǵy jetekshi ulttyq kópsalaly joǵary oqý ornynyń biri. Búgingi tańda QazUÝ Qazaqstannyń jáne TMD-nyń joǵary oqý oryndarynyń arasynda ǵana emes, sondaı-aq halyqaralyq reıtıńte de jetekshi orynǵa ıe.

Qazirgi kezde ýnıversıtetimizde 16 fakúltet bar: bıologıa jáne bıotehnologıa fakúlteti, jýrnalısıka fakúlteti, geografıa jáne tabıǵatty paıdalaný fakúlteti, fızıka-tehnıkalyq fakúlteti, mehanıka- matematıka fakúlteti,halyqaralyq qatynastar fakúlteti, shyǵystaný fakúlteti, zań fakúlteti, fılosofıa jáne saıasattaný fakúlteti, hımıa jáne hımıalyq tehnologıalar fakúlteti, fılologıa jáne ádebıettaný jáne álem tilderi fakúlteti, tarıh fakúlteti jáne ekonomıka jáne bızness joǵary mektebi.

Ál-Farabı atyndaǵy Qazaq ulttyq ýnıversıtetinde bilim alý barlyq jastardyń armany dep aıtsaq qatelespegen bolarmyz. Kez kelgen talapkerde QazUÝ-dy tańdap, sonda bilim alyp, onyń túlegi ataný sıaqty armany bolady. Bul arman keıbir jandarda oryndalmaı qalatyny ókinishti. Ómirde úsh tańdaýda qatelespe degen sóz bar qazaq halqymyzda. Solardyń biri, bul – mamandyq. Iaǵnı, talapkerdiń qandaı bolmasyn ýnıversıtetke oqýǵa túsýine qaramastan, eń mańyzdysy ózi qalaǵan, jan dúnıesine jaqyn mamandyqty tańdaǵany durys dep esepteımiz. Ál-Farabı atyndaǵy QazUÝ-dy tańdaýdyń kóptegen sebepteri bar. Óz tájirıbemnen sondaı sebepterdiń birnesheýin atap ótkim keledi: Bilim úsh tilde beriledi; Ýnıversıtetke deıingi beıindik mektep jáne kolej óz jumysyn atqarady; Shetel azamattarynyń bilim alýyna múmkindikter jasalǵan; Respýblıkalyq konkýrstar, olımpıadalar, konferensıa, semınarlar jáne de t.b. bolyp ótedi; QazUÝ qalashyǵynyń tabıǵaty keremet; Stýdenttik uıymdar («Jas Otan», «Suńqar», «Kómek» jáne t.b.) men úıirmeler kóp; Úlken kitaphana jáne ınternet ortalyǵy bar; Stýdentterge kómek kórsetý ortalyǵy jáne kınoteatr da bar; Almaty qalasynyń ishindegi jeke qalashyq. Joǵaryda kórsetilgen sebepter tizimin jalǵastyratyn bolsam bitpeıtin sekildi. QazUÝ-da stýdentterdiń oqýy men bos ýaqytyn uıymdastyrý maqsatynda kóptegen is-sharalar júzege asyrylýda. Stýdentterden tek qana oqý, ózinshe jumys jasaý, únemi izdený, qyzyǵýshylyqtaryn únemi damytyp otyrý jáne t.b. talap etiledi. QazUÝ-dyń keń esikteri árqashan talapkerlerge ashyq. Úzdik oqý ornynda oqyǵanǵa ne jetsin demekshi, QazUÝ-dy tańdańyzdar!

 

QazUÝ Mehanıka- matematıka fakúltetiniń "Matematıka" mamandyǵynyń 1 kýrs stýdenti 

Nursadyq Qaraqat

Fılologıa fakúltetiniń aǵa oqytýshysy Ýrazgalıeva S.A jetekshiligimen

---