InfoHub Logo

Kıno, fılm jáne serıaldar tek qazaq emes barsha jasóspirimderdiń ómirleriniń bir bóligine aınalyp ketkeni jasyryn emes. Jastar qaýymynan: «Bos ýaqytyńda qandaı ispen aınalysasyń?» dep suraıtyn bolsań - kıno ne serıal qaraımyn -, degen jaýap qatady.

Nelikten der bolsaq, jasóspirimdik shaq barsha adamzattyń ómirindegi eń mańyzdy kezeńderdiń biri bolyp tabylady. Jaman men jaqsyny, aq pen qarany ajyrata alatyn, ózine-ózi jaýapkershilik alyp, jeke-dara tulǵa retinde qalyptasý barysynda jastardyń tańdaýlary ózgerip, ishki jan dúnıesinde neshe túrli sezimderdi sezinip, qandaı da bir oıǵa toqtala almaı, jan-jaqtan qoldaý kútetin sátterde dál osy koreılik kınolar demeý bolyp jatady. Bir sózben aıtqanda ata-anasynan, dos-jarandarynan sezinbegen qoldaýdy kınolardan izdeı bastaıdy. 

Osy kezde nelikten sol qoladaýdy qazaq týyndalarynan ala almaıdy degen oı oralady. Oılanyp qarasaq, qazaq kınosy áli kúnge damý ústinde ári damýdy qajet etýde. Qarap tursaq qazaq kınolarynyń kópshiligi "kelin men ene arasyndaǵy" nemese "otbasyndaǵy áleýmettik máselelerge" arnalaǵan. Árıne, jastar qaýymyna bul taqyryptar qyzyq emes. 

Al koreılik kınoındýstrıada «dorama» degen uǵym bar. Dorama - koreılik qysqa teleserıaldar. Bul teleserıaldarda komedıa, detektıv, shyn-shytyrman, fantasıkalyq jáne taǵy da basqa kóptegen janrlarda álemdik, ómirlik máseleler qozǵalyp túsiriledi. Doramalar tek qazaq nemese koreılik jetkinshekter aralarynda ǵana emes, dúnıejúzi jasóspirimder arasynda da suranysqa ıe. Sebebi, jastar arasynda bolatyn túsinbeýshilik, mahabbat, dostyq, maqsatqa umtylý sıaqty maza bermeıtin taqyryptar kórkem túrde jetkiziledi. 

Máselen: «Tabıǵı sulýlyq» (Istınnaıa krasota) atty doramany alýǵa bolady. Bul koreı teleserıalynda jasósprimdik kezeńde bolatyn teri aýrýlarǵa (bezeýlerge) qaramaı adam ózin-ózi jaqsy kórý keretigi sýretteledi. Óskeleń urpaq arasynda óte jıi bolatyn másele kóterilip, aralyǵynda shyn-shytyrman oqıǵalarmen órbip, kıno sońynda durys sheshimi kórsetiledi. Sondaı-aq, máselesi bar uldar men qyzdarǵa ózine degen senimdilik sezimin týdyrtyp, jebeý bola aldy. 

Qoryta kele aıtar bolsam, kınonyń qazirgi zamanda tárbıelik atrıbýttardyń biri ekenin bilemiz. Sol sebepti de qazaq kınosyna osyndaı er jetip kele jatqan jastar qaýymynyń tańdaýyna saı keletin kınolar salasyna barynsha nazar aýdarǵan durys dep sanaımyn. 

Keńesbek Arýjan Nurjanqyzy

Ál-Farabı atyndaǵy QazUÝ, Jýrnalısıka fakúlteti, Kıno jáne Medıa mamandyǵynyń 1-kýrs stýdentti;

Jetekshisi: aǵa-oqytýshy, kýrator N.B. Rýshanova

---