InfoHub Logo

Din adamnyń rýhanı kórinisi. Dinı saýatty jan ony árdaıym ustap sharttaryn oryndaýǵa tyrysady. Qazir elimizde dinı qyzyǵýshylyq dinı praktıkanyń kúsheıip jatqandyǵyn baıqaımyz. Ásiresi, jastardyń qyzyǵýshylyǵy kóńil qýantarlyq. Jas býyn elimizdegi din jaǵynan zaıyrlylyq ustanatynymyzdy aıqyn biledi jáne basqalarǵa toleranttylyq kórzqarasta. Elimizde eki dinı birlestiktiń ustanýshylary basqalarynan qaraǵanda basymyraq. Olar: ıslam jáne hrıstıandyq pravoslavıe dinderi. Halqymyzdyń 70%-y ıslam dinin ustansa, 26%-y hrıstıan dinin quraıdy. Sońǵy ýaqytta ıslamǵa degen qyzyǵýshylyq jastar arasynda qyzý taqyryp. Osy jerde dinniń durys jolda taralýy mańyzdy óıtkeni túrli destrýktıvti radıkaldy aǵymdardyń áserine tap bolyp onyń quryǵyna túskender qanshama. Ózin durys jolda júrmin dep sanaǵannyń ózinde de ár kelgen ıakı oqyǵan aqparatty synı oılap oǵan taldaý júrgize bilýi kerek. Qazirgi zamanda saýatty adam dep - árip tanyp jaza biletin jáne oqı alatyn adamdy emes, oqyp jatqan aqparatyna 'ne úshin buny oqyp jatyrmyn' dep rasıonaldy oılana biletin, aqparatty maqsatyna saı suryptaıtyn adamdy aıtamyz. Jastardy túrli maqsatta óz arampıǵyldy oılaryna paıdalanyp, olardyń bolashaqtaryna balta shaýyp elimizdiń jas býynyn qoldanýǵa esh múmkindik bermeýimiz tıis. Al ol úshin dinı saýattylyqty arttyryp olarǵa qarsy sanamyzda ımýnıtet qalyptastyrǵan jón.

Dindi kez-kelgen aqparat quraldary ala berýge bolmaıdy. Ol aqparat kózi senimdi ári mamandarmen tekserilgen bilim kózi bolýy qajet. Sonyń ishinde elimizde resmı túrde tirkelgen muftyat.kz, mitropolia.kz, degen sekildi 18resmı tirkelgen dinı konfesıalardyń saıttaryn ınternet aqparattaryn alý kerek. Al kitaptarǵa keletin bolsaq el ishinde dinı sıpatta kitap taratatyndar da barshylyq, biraq kitap muqabasynyń alǵashqy betterinde dintanýlyq saraptamadan ótken degen jazýǵa mán berip baryp oqý qajet.

Ál-Farabı atyndaǵy Qazaq Ulttyq Ýnıversıteti
Fılosofıa jáne saıasattaný fakúlteti
Dintaný mamandyǵynyń 4 kýrs stýdenti Ómirzaqov Arman

---