InfoHub Logo

Qazirgi zamanymyzda álemde san qıly oqıǵalar oryn alyp jatyr, musylman adam ómirinde ár túrli jáne jańa máseleler men jaǵdaılarǵa tap bolady. Keıde adam Islam sharıǵatynyń zańdary men erejelerin buzbaý úshin mundaı sátte ne isteý kerektigin jáne týyndaǵan máseleni qalaı sheshý kerektigin bilmeı qalady.

QMDB sharıǵatta pal ashtyrý jáne juldyznamaǵa senýdiń haram ekenin eskertedi. Qazaqstan musylmandary dinı basqarmasy «Súsaı» júıesine qatysty úkim shyǵardy.

Súsaı — radja-ıoga fılosofıasyna negizdelgen nýmerologıanyń bir túri. Bul júıeniń seniminde týǵan kún, neke qıǵan kez sekildi adam ómirindegi belgili sandar bir planeta energıasymen tyǵyz baılanysta bolady. Sandarda adamnyń minezi, qabileti, ómirge kelgen maqsaty, bolashaqta oryn alatyn oqıǵalary qamtylǵan. Eger sandar energıaǵa sáıkes kelse, ómiri jaqsy, al sáıkes kelmese, keleńsiz jaǵdaılar oryn alýy múmkin. Súsaı adamdardyń taǵdyryn ózgertedi dep senedi.

«Bul júıemen shuǵyldaný sharıǵatqa qaıshy. Sebebi, bul — adamnyń taǵdyryn sandarǵa baılap, onyń jaǵymdy nemese keri áseri bar dep sendirý. Súsaı — pal ashýdyń bir túri. Sharıǵatymyzda pal ashtyrý jáne juldyznamaǵa sený — haram. Osy jáne ózge de sebepterge baılanysty súsaı júıesine nemese soǵan uqsas basqa da tylsym kúshtermen aınalysýǵa, olarǵa júginýge sharıǵatymyzda qatań tyıym salynady», — dep jazylǵan QMDB habarlamasynda. QMDB Ǵulamalar keńesi osyǵan súıene otyryp úkim shyǵarǵan.

«Súsaı júıesinde sandar boljamyna senip, Allanyń qudiretine shák keltirý jáne adamnyń taǵdyryn boljaý — haram. Musylman adam taǵdyrǵa ıman keltirip, jaqsylyq pen jamandyqty bir Alladan dep senip, bolashaqty boljaıtyn túrli nanym-senimderden aýlaq bolýy tıis», — dep jazylǵan úkimde.

Súsaı — radja-ıoga fılosofıasyna negizdelgen nýmerologıanyń bir túri. Bul júıeniń seniminde adam ómirindegi belgili sandar (týǵan kúni, neke qıǵan kezi t.b.) bir planeta energıasy men tyǵyz baılanysta bolady. Sandarda adamnyń minezi, qabileti, ómirge kelgen maqsaty, bolashaqta oryn alatyn oqıǵalary qamtylǵan. Eger sandar energıaǵa sáıkes kelse, ómiri jaqsy, al sáıkes kelmese, keleńsiz jaǵdaılar oryn alýy múmkin. Súsaı adamdardyń taǵdyryn ózgertedi dep senedi.

Buljúıemen shuǵyldaný sharıǵatymyzǵa qaıshy. Sebebi: Adamnyń taǵdyryn sandarǵa baılap, onyń jaǵymdy nemese keri áseri bar dep sendirý. Mundaı nanymnyń nátıjesinde adamnyń Allaǵa emes, sandarǵa senimi artady. Dinimizde mundaı sandar boljamyna senip, Allanyń qudiretine, taǵdyryna shák keltirý — úlken kúná. Islam senimi boıynsha álemdegi barlyq qubylystar, ózgerister Alla Taǵalanyń qalaýymen ǵana júzege asady. Sonymen qatar, taǵdyrdy, bolashaqty Alladan basqa eshkim bilmeıdi. Alla Taǵala qasıetti Quranda:

قُلْ لا أَمْلِكُ لِنَفْسِي نَفْعًا وَلا ضَرًّا إِلا مَا شَاءَ اللَّهُ وَلَوْ كُنْتُ أَعْلَمُ الْغَيْبَ لاسْتَكْثَرْتُ مِنَ الْخَيْرِ وَمَا مَسَّنِ السُّوءُ إِنْ أَنَا إِلا نَذِيرٌ وَبَشِيرٌ لِقَوْمٍ يُؤْمِنُونَ

«(Ýa, Muhammed) olarǵa: «Men Alla qalamaıynsha, óz-ózime tıtteı de paıda keltire almaımyn, sondaı-aq ózime keletin zıannyń da betin qaıtara almaımyn. Eger ǵaıypty (bolashaqty) biletin bolsam (esh ýaqytta shyǵynǵa ushyrmaı) árdaıym mol tabysqa kenelip otyrar edim hám (aldaǵy qaýip-qaterden aldyn-ala saqtanar edim) basyma eshqandaı jamandyq ta, bále-jala da kelmes edi. Men bar bolǵany ıman keltiretin qaýymǵa eskertýshi ári súıinshileýshimin» dep aıt», — degen.

Paıǵambarymyz (oǵan Allanyń salaýaty men sálemi bolsyn) ǵaıyptyń kilti beseý dep, onyń biri retinde erteńgi kúni ne bolatynyn bir Alladan basqa eshkim bilmeıtinin atap ótken.

Ál-Farabı atyndaǵy Qazaq Ulttyq Ýnıversıteti
«Dintaný» mamandyǵynyń 4-kýrs stýdenti,
Oryndaǵan: Lesbaev Murat
Ǵylymı jetekshi: Sarsembaev R.M

---