Qaı qyz bar bul qazaqta teńge jetken,
Bári de jylaı-jylaı kemge ketken.
Bar edi Jarqyn atty bir baı kisi
Myrzeke degen atqa qoly jetken.
Árıne, baı kisini jurt maqtamaq,
Kisini kedeı sorly kim jaqtamaq?
Jep keter, iship keter sumdar jıylyp,
Shýyldap baıdy maqtap yrjaqtamaq.
Baı endi kótermes pe murnyn kókke,
Eter me kóterdiń dep olarǵa ókpe,
Aýrýsyz qur túpý dep, qur jótelip,
Baılyqty baıqatpas pa tóńirekke.
Bar edi Jarqyn baıda 3-4 bala,
Olarǵa baılyq tursa, shirký qaıda?
Kúláıim uldan úlken jalǵyz qyzy
Uqsaıdy kórkemdigi týǵan aıǵa.
On beske Gúláıimniń kelgen jasy,
Jibekteı úlbireıdi mańdaı shashy.
Aq torǵyn eki beti qulpyrǵan nur
Allanyń bir jaratqan tamashasy.
Alǵandaı eki kózdiń jaýyn buryp,
Jymıyp ezý tartyp qoısa kúlip.
A, dúnıe, oınar ma edim jıylǵanda,
Bas qosyp bozbalalar dáýren súrip.

---