InfoHub Logo

Din – adamdardyń senimi men bar dep sanaıtyn qubylysy. Ol ár túrli baǵyttarǵa bólinip, klassıfıkasıalanyp, jikteledi. Din otbasy aınalasynda jáne ósip kele jatqan jasóspirimder arasynda mańyzdy ról oınaıdy. Sol sebepti balanyń jasóspirim shaǵynda mektep qabyrǵasynda júrgende 9-synyp aıasynda «Zaıyrlylyq jáne dintaný negizderi» páni oqytylady. Bul pánniń mańyzdylyǵy, úlken ómirge endi qadam basyp kele jatqan tulǵalarǵa dinniń qarapaıym bolyp kóringenmen kúrdeli nárse ekenin uǵyndyrý, sonymen qatar dinniń durys jáne burys baǵyttaryn kórsetý.

Alaıda balanyń din týraly durys aqparat alyp, durys nıette júrýine mektepte beriletin bilimder azdyq etedi, tipti balanyń din týraly túsinigine áser etpeýi de múmkin. Sebebi qazirgi ýaqytta áleýmettik jelilerde taralǵan neshe túrli aqparattar balany basqasha baǵyt baǵdarǵa túsiretindeı qaýqarly .

Balalar jáne jasóspirimderdiń burys jolǵa túspeýin qadaǵalap, ony aldyn alatyn tek ata – ana. Sebebi áli úlken ómirge aralaspaǵan bala ata – anasyna ǵana senip, olardy tyńdaıdy. Qarapaıym ómirden mysal alatyn bolsaq qandaı da bir dindi berik ustanatyn otbasynyń balalary Qudaı bar dep senip, ulty men dininiń qundylyqtaryn qatar ustanyp tárbıeli bolady. Sebebi ákesi men anasy óz dinderin asa qurmettep onyń qundylyqtaryn balalaryna nasıhattaıdy. Bul mysal dindi berik ustanbaıtyn otbasylardan tárbıesiz bala ósip shyǵady degendi bildirmeıdi. Kerisinshe dindi berik ustanbaıtyn, belgili bir dástúrli dinde bar, biraq ol týraly balalaryna aıtyp nasıhattamaıtyn januıanyń balalary óz otbasyna saı din týraly jetkilikti aqparat ala-almaı, din týraly tek syrttan estıdi. Óziniń otbasynan din týraly jetkilikti aqparat ala almaǵan jasóspirimder óse kele qyzyǵýshylyqpen dástúrli emes dinge senip qalýy da múmkin.

Bala durys baǵytta bolý úshin onymen 5 jasynda sóılesý barysynda urlyq jasamaý kerektigin aıtyp, onyń Qudaıǵa unamsyz, dinge qarama – qaıshy is áreket ekenin aıtý. Óz diniń ıslam bolsa, basqa dinderge til tıgizbeý kerektigin úıretý. Zaıyrlylyq uǵymyn túsindirip ár adamnyń dinge degen tańdaýyn qurmetteýdi aıtý. Mektep bitirer , es bilgen shaǵynda jeke otyryp dástúrli emes dinderdi atap olardyń teris baǵytta ekenin túsindirý .

Din jaǵynan berik ósken bala ózgege de, ózine de zıan etpeıtin, teris áreket jasamaıtyn bolyp ósedi dep senemiz. Dinge baǵyttalyp ósse neniń adal, neniń aram ekenin de ajyratyp durys ómir súredi.

1 kýrs Dintaný mamandyǵynyń stýdenti Órikbaı Dınara

Jetekshi aǵa oqytýshy Týngatova Ý.A.

---