InfoHub Logo

Qazaq ádebıeti 5 - synyp
Sabaq taqyryby: Dinı áńgimeler. Qasıetti Quran Kárim jaıynda
Sabaq maqsaty:
1. Bilimdilik: Dinı áńgimeler týraly maǵlumat bere otyryp, qasıetti Quran Kárim jaıynda oı tolǵatý, ıslam dini jáne teris dinderdiń paıda bolý sebepterin asha túsindirý.
2. Damytýshylyq: Oqýshynyń óz pikirin qorǵaı bilýge úıretý. Sózdik qorlaryn, ıslam dini týraly biletin aqparattaryn jınaqtatý jáne damytý.
3. Tárbıelik: Islam dinin dáripteý, ımandylyqqa, jaqsylyq pen jamandyqty aıyra bilýge, tazalyqqa tárbıeleý.
Sabaq túri: aralas sabaq
Sabaq ádisi: baıandaý, suhbattasý, aıtys, dáleldeý
Pánaralyq baılanys: dintaný, tarıh
Kórnekiligi: úntaspa, syzbalar, slaıd shoý.

Sabaq barysy
I. Uıymdastyrý kezeńi
Synyp eki topqa bólinedi. Jaqtaýshy jáne dattaýshy.
II. Úı tapsyrmasyn suraý
III. Jańa sabaq
Muǵalimniń kirispe sózi
Slaıdtan myna sýretter kórsetiledi. Ne beınelengen?
(oqýshy jaýaby talqylanady) Úntaspadan Quran kitaby týraly maǵlumat tyńdatylady.

Adamnyń boıyndaǵy eń basty qasıet - ol tanym men senim. Adamzat qoǵamy tarıhynda árbir adam senimderiniń eń abzaly - Jaratýshyǵa degen senim. Senim negizinde adamnyń dúnıetanymy qalyptasty. Jaratýshyǵa degen senimi qalyptasqannan keıin adamdar odan qajetin surady, tiledi, qulshylyq etti, dáriptedi, soǵan saı beredi dep úmittendi nemese Jaratýshynyń ámirine qarsy kelýden qoryqty. Sol senim is - áreketterdi, qulshylyqtaryndaǵy jón - joralǵylar men salttardy, erejeler men qaǵıdalardy ”din“ dep atady. Dinniń ózindik jón - joralǵylary kóp. Sondyqtan ol keıde dástúrge de uqsap ketedi.

Quran Kárim - musylman qaýymynyń qasıetti kitaby. Quranda Alla taǵalanyń atynan aıtylatyn ósıet - ónegeler, eki dúnıelik ereje - qaǵıdalar jınaqtalǵan. Arab tilinde – oqý degendi bildiredi. Quranda 114 súre bar. Súreler belgili bir tártippen ornalasqan. Ol mekkelik (92) jáne medınelik (22) dep ekige bólinedi. Súre aıattarǵa bólinedi. Qurandaǵy eń uzaǵy 2 - shi súre - 286 aıat, qysqasy - 103, 108, 110súreler - 3 - aq aıattan turady. Shyǵys elderiniń aqyn - jazýshylary Qurannan dáıektemeler alǵan. Qurannyń sózin túsiný ońaı emes, onda arnaıy túsindirýdi qajet etetin sózder jıi kezdesedi. Munda ósıet, maqal - mátel, ańyz áńgimeler, tarıhı oqıǵalar, tipti musylman halqy úshin kúndelikti turmysqa qajetti zańdar berilgen. Quran - qasıetti kitap.
Kitappen jumys
1. Sózdik jumys
2. Oqýlyqtaǵy mátindi mánerlep oqý. 3. Maǵynasy ashylady.
IV. Sabaqty bekitý