InfoHub Logo

Taqyryby: «Dos bolaıyq bárimiz»

Bilim berý salasy: Tanym
Uıymdastyrylǵan oqý is - áreketi: Aınalamen tanysý, ekologıa, Qurastyrý, Matematıka
Maqsaty: Balalardyń arasynda jaǵymdy qarym - qatynas ornatý, bir - birin syılaýǵa, adal dos bolýǵa jáne qorshaǵan ortamen dos bolýǵa úıretý. 3 kóleminde sandyq esepteýge úıretý. Sandardy týra jáne keri sanaý. Balalardyń til baılyǵyn damytý jumystaryn jalǵastyrý, is - áreket daǵdylaryn meńgertý, álemniń tutas beınesin túsinip, oılaýǵa aýyzsha qosyp - alý jáne geometrıalyq pishinder týraly uǵymdaryn tıanaqtap, tústerdi ajyratýǵa, qarym - qatynas, kómek kórsetý, syılastyqty qalyptastyrý. Balalardy tapqyrlyqqa, izdenimpazdyqqa tárbıeleý.
Ádis - tásilderi: túsindirý, kórsetý, suraq - jaýap, taldaý
Kerekti – quraldar: Úlgi, sýsyn qorapshasy, daıyn beıne fılm, mýzyka áýeni
M/Q:
- Balalar, búgin bizge qonaqtar kelipti, qane barlyǵymyz qonaqtarmen amandasaıyq!

Shattyq sheńber
Biz ádepti balamyz,
Biz erekshe bolamyz,
Qonaqtardy kórgende,
Sálemetsizder me! – dep,
sálemdesip alamyz.
Bizdiń topta balalar,
Tatý – tátti oınaımyz.
Dos kóńili árqashan
Tek jaqsylyq oılaımyz.

«Kúlimdegen kún» oıyn
Balalar, búgingi kúnniń jaqsy ótýine baılanysty jaqsy tilekter aıtaıyq. Kúnimiz shýaqty bolý úshin, myna kıim ilgishti birtindep, myna domalaqqa tilek aıtyp ilemiz
Mine, kúlimdegen kúnimiz daıyn

Ǵajaıyp sát:
Esik qaǵylyp, topqa Jalqaýbek keledi.
- Sálemetsińder me balalar!
- Men Jalqaýbekpin, sender de ne bolyp jatyr? Qonaqtar da kóp eken.
Tárbıeshi:
Jalqaýbek, bizge kelgeniń qandaı jaqsy boldy. Kel balalarǵa qosyl, osylaı kir qojalaq, jalqaý bolyp júre beresin be?
Endi ne isteımin? Meniń dostarym da, úıimde joq. Eshkim menimen dos bolǵysy kelmeıdi.
Nege olaı deısiń, sen bizge qosylsań, dosyń da úıiń de, oıynshyqtaryńda barlyǵy bolady.
(Jalqaýbek shyǵyp ketedi)
İ/u:
Balalar, búgin biz, Jalqaýbekke kómekteseıik, onymen dos bolaıyq. Endeshe Jalqaýbek kelgenshe, bizdiń balalardyń dos týraly óz pikirlerin tyńdaıyq.
(Beıne sújet kórsetý)
Balalar unady ma, dostyq týraly aıtqan pikirler? Dos ne ekenin túsingen shyǵarsyńdar.
Kane, Jalqaýbek kelgenshe, dostyq týraly taqpaq aıtaıyq

Dosyńa bol adal jan,
Birdeı bólis synaqty
Bir núktege qadalǵan,
Eki kóziń sıaqty.

Dostar birge júremiz,
Birge oınaımyz, kúlemiz.
Birge balyq aýlaımyz,
Mine bizder qandaımyz.

Jalqaýbek, tap - taza kıimmen kiredi)
- Balalar, Jalqaýbek ýádesinde turyp, jýynyp, tap - taza bolyp keldi. Endi bizde ýádemizdi oryndaıyq. Barlyǵymyz, myna sýsyn qorapshasyn bir birine jalǵap,, úı qurastyraıyq.
(Mýzyka áýeni qoıylady)
Sergitý sáti: «Jalqaýbek» ánine
- Mine, úıimiz daıyn boldy.
- Balalar, úıden qandaı geometrıalyq pishinderdi kórip otyrsyńdar?
- Balalar kúnimiz qandaı pishinge uqsaıdy?
- Úıdiń neshe qabyrǵasy bar?
- Ýı shatyry qandaı geometrıalyq pishinge uqsaıdy?
- Úsh buryshyn kim kórsetedi?

- Durys kim maǵan 1- den 3- ke deıin týra, keri sanap beredi?

Qurastyrǵan úıdiń qabyrǵalarynda ár túrli túster bar. Sender qandaı tústerdi bilesińder?
Durys aıtasyńdar!
Mine, balalar úıimiz daıyn, biz endi bul úıdi Jalqaýbekke syıǵa bereıik, aıtqan ýádemizdi orydaıyq, ol da bizben birge úı qurastyrýǵa kómek berdi.
Jaraısyń, Jalqaýbek!
Balalar, Jalqaýbekpen dos bolamyz ba?
Jalqaýbek, seni budan bylaı «Bilgishbek»- dep ataımyz, endi jalqaý bol ma, bizdiń balabaqshaǵa kel. Dostaryń kóp bolady, bilimdi, ónerli bolasyń
R/k
Madaqtaý. Balalar senderge rahmet, búgin úlken jaqsylyq jasadyńdar. Sonymen senderge búgingi is - áreket unady ma?
Dosymyz kóp bolý úshin qandaı bolýymyz kerek?
Barlyǵyńa rahmet!
Barlyǵymyz dostyq týraly ánmen, búgingi is – áreketti aıaqtaımyz.

Dos bolaıyq bárimiz
Sózin jazǵan X. Talgarov
Ánin jazǵan I. Núsipbaev

Árqashan dos, birgemiz,
Ajyramas irgemiz.
İlgeri júrińder,
Dostyq jyryn bilińder.
Tý ǵyp ustap birlikti,
Eńbekti súıińder.

Qaıyrmasy:
Dos bolaıyq bárimiz,
Jarasyp tur ánimiz.
Tynyshtyqty saqtaımyz,
Atsyn kúlip tańymyz.

Kútiletin nátıje:
Jańǵyrtýy: Geometrıalyq pishinderdi ajyratyp, ataı biledi
Túsinýi: Dostyq týraly uǵymdy, syılastyqty túsine bilý

Qoldanýy: Qarym – qatynasta, dostyqta jyly sózderdi qoldana bilý