InfoHub Logo

Ápendiniń dosy kórshi qalanyń bıleýshi ákimi bolyp saılanypty. Biraz ýaqyttan keıin Ápendi dosyna jolyǵýǵa barady. Dosy dastarqanǵa kól-kósir tamaq qoıyp, qonaǵyna suraqty qarsha jaýdyrady. Ápendi ne tamaq jerin, ne suraqqa jaýap qataryn bilmeı, asyp-sasyp otyrady.

— Bizdiń úıdiń hal-ahýaly jaqsy ma? — deıdi ákim.

— Ózińizde bári de jaqsy, Qudaı jarylqap tur, — deıdi

Ápendi.

— Ulym qalaı eken?

— Tamasha.

— Áıelim she?

— Aıtary joq.

— Óte jaqsy, tipti úıge jan jolatpaıdy.

— Atym she?

— Jaqsy, sondaı keremet atqa jurttyń bári qyzyǵady.

Qarsha boraǵan myljyń suraqtarǵa Ápendi ábden mezi bolypty. Aldyna qoıǵan neshe túrli dámdi taǵamdarǵa qarap, silekeıi shubyryp barady. Úı ıesinde damyl joq.

— Itim júdep qalmap pa eken?

Ápendi dosyna qyrsyǵa jaýap qata bastaıdy.

— Men júretin kúni ólip qaldy, — deıdi ol qýlana.

— Neden óldi eken? — dep ań-tań bolady dosy.

— Atyńnyń súıegine qaqalyp óldi.

— Atym da óldi me? Neden? — dep qorqyp ketedi dosy.

— Seniń áıelińniń máıitin mazaratqa tasımyn dep zoryǵyp óldi...

— Ne dep tursyń? Áıelim de qaıtys boldy ma? Qalaısha?

— Qaıǵydan qaıtys boldy. Balasyna qatty qaıǵyramyn dep.

— O, qudiretti kúshti Qudaıym! Ulyma ne boldy meniń? Onyń da ólgeni me?

— Iá, úıiń qulaǵanda, qabyrǵanyń astynda qaldy ǵoı.

— O, Qudaıym, mende eshteńe qalmapty. Úı qıraǵan, áıel men ul ólgen, at ta, ıt te joq!..

Qatty qaıǵyrǵan Ápendiniń dosy etpetinen túsip, solqyldap jylaı bastaıdy. Osy mezetti paıdalanǵan Qoja tamaqtardy ózine jaqyn qoıyp, emin-erkin qomaǵaılana jeı bastaǵan eken.

---