InfoHub Logo

Bir kúni keshke Qojanasyr áıelimen ursysyp qalady.

—Sendeı albastyǵa úılengen,—depti Qojanasyr,—meniń kózim soqyr eken.

—Men be albasty?—dep bajyldaıdy áıeli.—Japalaq ta boztorǵaıdan min tapqan. Ózińe qara! Qaı jaǵyńnan qarasa da, naǵyz albasty, sıyqsyz sensiń!

Qojanasyr beti qaıtyp, júnjip qalady. Qaıtkende de ádemilenýge bel býady. Muny estigen syǵandar Qojaǵa kelip «bir saǵattyń ishinde seni keremetteı sulý jigitke aınaldyryp jiberemiz, ózińdi-óziń tanymaı qalasyń» deıdi. Qojanasyr qýanyp, olardyń aıtqanynyń bárin oryndaýǵa ýáde beredi.

Kelesi kúni ol erte turyp, qyzmetshi áıeldi bir jaqqa, áıelin tórkinine jiberedi de, ózi tabaldyryqta otyryp syǵandardy kútedi.

—Olar saǵat toǵyzda kelip, muny aınalyp júrip, shýlap ándetýge kirisedi, muny dýalap, «búgin sulý bolasyń, tek aıtqandy iste»,—deıdi.

Qoja bulardyń erkine beriledi. Buǵan úlken kespekti aldyryp, sonyn ishine otyrǵyzyp, «aınala júrip duǵa oqımyz»,—deıdi. Qoja syǵandardyń aıtýynsha kespektiń ishine otyrady, al syǵandardy qaqpaqty úlken tastarmen bastyrady da, aınala shýlap óleń aıtyp, duǵa jasaǵan bolady. Shýlap júrip Qojanyń úıindegi bar dúnıe-múlikti sypyryp, jónderine taıyp otyrady.

—Typ-tynysh bolyp qalǵanyn ańdaǵan Qoja «qaqpaqty alyp, meni shyǵaryńdar»,—deıdi aıqaı salyp. Jaýap qatqan eshkim joq. Qaqpaqty kótereıin dese, shamasy joq.

Áıeli men qyzmetshisi keshke qaraı keledi. Qarasa, úı ishi túgel aqtarylǵan, tonalǵan. Olar bóshkeniń ústindegi tastardy áreń degende alyp tastaıdy. Kúni boıy ash otyryp, áreń demin alýmen bolǵan Qoja dińkesi quryp shyǵady. Úı ishine ańyraıa qaraıdy, táýir dúnıeden dym qalmaǵan, syǵandardyń qarasy kórinbeıdi. Al Qojanyń túri, bet-álpeti baıaǵy qaz qalpynda.

---