InfoHub Logo

Dos bolam deseń,
Dosyńdy syıla, qyymbattym!
Dosyńa sonda,
Dosymmen ǵana qymbatpyn.
Dos bolam deseń,
Mendegi dospen dostasqyń,
Sendegi dospen dos bolyp sonda turmaqpyn.

M.Maqataev

Dostyq degenimiz kıeli uǵym. Shynaıy dos ózińe rýhanı jaqyn, armany men tilegi bir jan. Dostyqtyń basty qasıeti - adaldyq. Sol adaldyq ár adamnyń óz boıynda bolýy shart. Sonda ǵana dostyq máńgilikke ulasady. Dos - adam janynyń aınasy desek, “Jigitti dosyna qarap tany” degen halyq maqaly esińe tússedi. Adal dos tabý - úlken baqyt. Sebebi dostyqtyń adam ómirinde alar orny úlken. 

“Dos bolam deseń, mendegi dospen dostasqyń” dep Muqaǵalı atamyz aıtqandaı, qazaq eliniń jeri qandaı baıtaq bolsa, dosqa degen qulashy da, qushaǵy da sondaı keń. Qazaqstan - júzden astam ult pen ulystyń sútteı uıyp bir otbasyndaı tatý - tátti ómir keship jatqan kıeli mekeni.
Jetisýym - jeti qut yrys maǵan,
Barsha halyq baýyrynda tynystaǵan.
Aralasyp árbir ult dostasyp júr,
Aralassyn adamdar týys maǵan,
Alakóz bop kústana uryspaǵan - degen Muqaǵalı aqynnyń ómirsheńdigi sol, qazirgi kúnniń tynysyn dóp basqandaı. Qazaqstan ulttar arasyndaǵy yntymaqtyqty, turaqtylyq pen tatýlyqty saqtap otyrǵan birden bir el. 

Dos tabý ońaı, al ony saqtaý odan da qıyn. Dostyq qatynasqa náziktikpen qarap, berik saqtaý kerek. Óıtkeni ol da baptaýdy qajet etetin názik ósimdik sıaqty. Bizder dostyqty saqtaý úshin jan-tánimizben eńbektenbeýimiz kerek. Qaıtarymyn qajet etpeı, berýdiń joldaryn úırený kerek. Senim men jarqyn kóńil – dostyqty berik etetin tirek sanalady. Ózi shynaıy dos bola bilgen adamnyń dostary da kóp bolady jáne jer betinde ózin jalǵyz sezinbeıdi.

“Adam balasynyń bári dos. Ne úshin deseń, dúnıede júrgende týysyń, ósýiń, shyqqan jeriń, barmaq jeriń - bári birdeı, eki dúnıeniń qaıǵysyna qaýpiń, jaqsylyǵyńa rahatyń - bári birdeı eken” - deıdi Abaı atamyz. Iá, adamdardyń bári birdeı. Tek dostyq kiltin taba bilý kerek. 

Jaıyrova Nurıla, Qasymova Janel Turan ýnıversıteti, 2 kýrs

---