InfoHub Logo

Jańa ádebıet degen ataýmen 1928 jyly jaryq kórsede osy kúnge deıin óz mán maǵynasyn joǵaltpaı kele jatqan jýrnaldyń biri «Juldyz» jýrnaly. Ádebıet pen ónerge negizdelgen bul jýrnaldyń 2005-2008 jyldary redaksıa alqasynda myqty myqty synshylar, jazýshylar bolǵan kezde óte kóp málimetter jarıalanǵan. Jáne sol jyldardaǵy aıdarlarynyń ózi erekshe bolǵanynda baıqaımyz. 2005 jylǵy bóliminde Poezıa proza, Túrik dúnıesi, "Juldyzdyń", " Uly adamdar" ensıklopedıasy, Din ıslam dáristeri, Zerde, Óner, Qazaqstan 2030, Ádebıettaný, Altynshy dápter, Hat habar oı tolǵam degen aıdarlary bolsa. 2007 jyly Poezıa proza, Syn jáne ádebıettaný, Mádenı mura, Oılar,tolǵanystar, Áleýmet, Baspalar, basylymdar degen aıdarlarmen jaryq kórgen. Jýrnaldyń eń ádemi dástúri ár sanynyń alǵashqy betinde Uly tulǵalar jaıynda sýreti men ómirinen qysqasha málimet berip otyrady. Bunyń ózi jýrnaldy oqyǵan oqyrmannyń oıynda Uly tulǵalardyń beınesin qalyptastyrý. 

2005 jyly aqpan aıynda jaryq kórgen sanynda Qyzdyń tasasyna tyǵylǵan batyrlar, Bir "ıntervúge" baılanysty, "Borbaıy bos" jigitter jáne bıazy boıjetken, Sarjaǵal mádenıetiniń oshaǵy degen Talasbek Ásemqulovtyń syn maqalalary jarıalanǵan eken. Jas alash jaıynda toqtaýsyz jazylyp otyrǵan bul maqalalar óz maqsatyna jetken. Iaǵnı Talasbek Ásemqulov Sarjaǵal mádenıetiniń oshaǵy atty maqalasynyń sońynda "P. S. Jýrnal baspahanaǵa ótip bara jatqan eń sońǵy sátte "qyzyq" habar jetti: "Jas Alash" aıypqa jyǵylypty. Aqsha kesiminiń mólsheri - úlken eseppen alǵanda, shamaly ǵana. Biraq másele onda emes. Kinálisiń! - degen úkim shyǵarǵan ádil sot. Biraq ádiletke toqtaıtyn "Jas Alash" pa! Taǵy da aıqaı-uıqaı, oıbaı-attan, bir sózben aıtqanda, jurtty dúrliktirip, joǵarǵy jaqqa qýanyp kórmek. Iaǵnı, eń úlken qyzyq - alda…" dep sózin qorytyndylaıdy. 

2009 jyly Juldyz jýrnalyna Ulyqbek Esdáýlet redaktor bolǵan kezinde galereıa degen bólim qosylǵan. Galereıa bóliminde sýretshilerdiń, foto jýrnalıserdiń týyndylary jaryq kórip otyrǵan. Biraq, búgingi Juldyz jýrnalynda galereıa bólimi joq. Al Muqtar Maǵaýın redaktorlyq etken kezinde óte kóp málimetter jarıalanǵan bolatyn. Tipti jas aqyndarǵa, jas jazýlarǵa, synshylarǵa múmkindik berip, olardyń jumystaryn jýrnal betterine jarıalap otyrdy. 

2020 jylǵy basylymdarynda eldegi ádebı jańalyqtarǵa, ózgeristerge baılanysty Abaı 175 aıdary qosylyp, Abaıdyń óleńderimen, Ǵaqlıa degen atpen qara sózderi oqyrmandarǵa jol tartyp keledi. Sonymen qatar ál-Farabı-1150 jyl, Mereı, Jeti jurttyń tilin bil, Altyn besik, Tulǵa, Altyn tuǵyr degen aıdarlary da sapaly maqalalaryn jarıalaıdy. 

Qoryta aıtqanda Juldyz jýrnaly qazaqstan jazýshylarynyń ádebı áleýmettik jýrnaly bolǵanymende eldegi oryn alǵan barlyq máseleni qamtyǵan. Din máselesinde, syn máselesinde, saıasat máselesinde talqylap, halyqqa kerekti aqparattardy berip keledi. Juldyz jýrnalynda maqalaǵa qaraǵanda poezıa, prozaǵa kóptep kóńil bólingen. Jáne jýrnaldyń sońǵy betinde kelesi sanynda qandaı poezıa, prozalar jarıalanatyny jazylyp otyrǵan. Budan biz jýrnaldyń qazaq ádebıetinen damytýǵa qosqan eren eńbekterin kóre alamyz.Qazaq ádebıetiniń kósegesin kógertip, altyn qoryn baıyta túsken irgeli shyǵarmalardyń bári derlik aldymen “Juldyzda” jaryq kórip, jýrnal betterinen ómirge joldama aldy. Ary alsaq S.Seıfýllın, İ.Jansúgirov, B.Maılın, M.Áýezov, S.Muqanov, Ǵ.Mustafın, Ǵ.Músirepov, Q.Amanjolov, H.Esenjanov, J.Moldaǵalıev, Á.Núrpeıisov, Á.Álimjanovtar alǵashqy óleń áńgimelerinen bastap, sońǵy dastan, roman epopeıalaryna deıin sıasy keppegen kúıinde “Juldyz“ jýrnalyna usynyp otyrdy. Búgingi kúnide kóptegen jas jazýshylarymyzdyń, aqyndardyń jarqyn bolashaǵyna alyp barar joldyń altyn kópiri. Iaǵnı «Juldyz” jýrnaly qazaq ádebıeti men mádenıetiniń aınasy, Qazaqstan respýblıkasynyń aspanyndaǵy jaryq juldyz.

---