InfoHub Logo

1. NELİKTEN SİZ DIKTOR, DÝBLÁJ AKTERİ ATANDYŃYZ?

Bul salany tańdaǵan sebebim, bul meniń súıikti isim. Alǵashqy kezde hobbı retinde aınalyssam da, qazirgi tańda bul meniń jumysyma aınalyp otyr. Sonymen qatar, qazaq tilin damytýǵa óz úlesimdi qosqym keldi. Álemdik deńgeıdegi fılmder, anıme, múltfılmderdi, ár túrli kontentterdi qazaq tilinde sóıletkim keldi. Sondyqtan osy salany tańdadym.

2. SİZDİŃ KEREMETTEI QOŃYR DAÝYSYŃYZ TABIǴATTYŃ BERGEN SYIY MA ÁLDE,ÚLKEN EŃBEKTİŃ JEMİSİ ME?

Bul suraqqa bylaı jaýap bergim keledi: tabıǵattyń bergen syıyn ary qaraı damytý arqyly jaqsy nátıjege qol jetkizýge bolady. Dıktor bolý nemese dýbláj salasynda ádemi daýystyń bolýy jetkiliksiz. Sondyqtan bul tájirıbe arqyly keletin dúnıe.

3. QAZİRGİ KEZDE ELİMİZDE DIKTORLYQ JÁNE DÝBLÁJ SALASY QANSHALYQTY DAMÝDA? 

Qazirgi kezde bul sala qarqyndy damý ústinde. Biz jas maman bolǵandyqtan, osy úrdistiń jańa tolqyny retinde bul salanyń damýyna óz úlesimizdi qosyp jatyrmyz. Buryńǵy deńgeıge qaraǵanda qazir áldeqaıda aldyǵa jyljý baıqalady. Biraq sonda da álemdik deńgeıdegi shet eldik fılmderdi qazaq tiline dýblájdaý tek 1-2 kompanıamen ǵana júrip jatyr. Mysaly, jańadan shyǵyp jatqan fılmder tolyqtaı qazaq tiline dýblájdalyp jatyr dep aıta almaımyz. Osy máseleni joǵary jaqtan bastap qarastyrý qajet dep esepteımin.

4. SHET ELDİK DIKTORLARDY, DÚBLIaJ AKTERLARYN BAQYLAISYZBA? JÁNEDE SİZ ÚLGİ TUTATYN DIKTORLAR QANDAI?

Árıne baqylaımyn. Shet eldik fılmder, múltfılmderdi dybystaıtyn akterlerdiń jumysyn qarap, ózimizge analız jasaımyz. Olardyń tájirıbelerin qoldanyp kórýge tyrysamyz. Dıktor bolsyn dýbláj akteri bolsyn árdaıym izdeniste, ózge de mamandardyń jumystaryn baqylap júrýi tıis dep oılaımyn. Naqty úlgi tutatyn dıktorlar osy dep tizip aıta almaımyn. Sebebi ár dıktor, akterdi tyńdaý arqyly ózimizge túrtip alatyn jaqtary bolady. Ol tizimde árıne ózimizdiń osy salada uzaq jyldar boıy eńbek etip kele jatqan aǵa-ápkelerimiz de bar.

5. ÓZİŃİZ DÚBLIaJ JASAǴYŃYZ KELETİN FILMDERDİ AITA KETSEŃİZ

Bolashaqta shyǵatyn Marvel, Disney týyndylaryn dýbláj jasaýǵa qatysqym keler edi.

6. JÝRNALISIKA MAMANDYǴYN IAǴNI DIKTORLYQ SALANY TAŃDAǴAN JANDARǴA KEŃESİŃİZ

Tek bul emes, kez-kelgen sala bolsyn, barlyq jandarǵa aıtqym keletini súıikti isterińizdi, mamandyqtaryńyzdy tańdańyzdar. Ár salanyń óz qıyndyqtary bar. Bul salany tańdaıtyn bolsańyz árdaıym óz-ózińizben jumys jasaýyńyz qajet.

OSYMEN SUHBAT AIaQTALDY, OQYRMAN SİZGE ÚLKEN RAQMET!

Nurdilla Asyljan

---