Urpaqtar sabaqtastyǵy

Urpaqtar sabaqtastyǵy degenimiz ne?

Urpaqtar sabaqtastyq máselesi kún tártibinen túspeıtin, kúni búginge deıin tolǵamy tereń dúnıe. Ótken tarıhı jadyny saqtaı otyryp, ustamdy ınovasıalardy sińirip, bolashaq urpaqqa mıras etip qaldyrý, ol urpaq úshin, halyqtyń damý tarıhy úshin, bolmysy úshin, qajetti jáne tereń másele. Urpaq sabaqtastyǵy arqyly tarıhymyzdyń úzdiksiz sabaqtastyǵy kórinis tabady. Urpaqtar sabaqtastyǵy retinde atadan óskeleń urpaqqa mıras retinde jalǵasyn taýyp kele jatqan ultjandylyq, toleranttylyq qasıetter qazirgi elimizdiń damý satysynda jalǵasyn taýyp, Qazaqstandyq qoǵam mýltımádenıetti áleýmettik ortaǵa aınalyp otyr. Óıtkeni mýltımádenıettilik halyqty kóptildi ortaǵa, beıbitsúıgish álemge beıimdeı alady.

Urpaqtar sabaqtastyǵy qalaı saqtalady?

Bizdiń taqyrybymyzdyń maqsaty osy sabaqtastyqtyń adamnyń ómirlik is árekettiligi, dúnıeni túısinýdegi shynaıylyq pen ıdealdyqtyń araqatynasyn ýaqyt dánekerleri negizinde qarastyrýdy quraıdy. Óıkeni ýaqyt bul syrǵyp aqqan bir sáttik kórinisten turǵanymen adamnyń ony mánmen tolyqtyrýynyń negizinde tarıhı jadqa, estelikterge aınalady. Sonymen qatar osynyń negizinde, ýaqytta ótken oqıǵalar halyqtyń ulttyq maqtanyshynyń, rýhanı tektiliginiń sıpattaryn beredi. Bar bolýshy bolmys urpaqtar qyzmeti arqyly tarıhtaǵy mánine ıe bolady. Degenmen ýaqyt sheksizdik arqyly baıandalatyn kategorıa retinde, ol mándi ýaqyttyń spektrinde dáleldeıdi.

Urpaqtar sabaqtastyǵy jáne búgingi urpaq

Dástúrli mádenıetti jańǵyrtý, óz halqynyń tarıh tájıirbesine júginý táýelsizdikke ıe bolǵan eldiń ómirinen alatyn zańdy qubylys. Munyń arǵy jaǵynda qoǵamdyq sananyń qalyptasýy, urpaq tárbıesi sıaqty úlken mindetter jatyr. Demek jahandaný jaǵdaıynda ómir súrip jatqan jas urpaqty qoǵam talaptaryna saı qalyptastyrý ońaı emes. Ásirese, batystyq baǵyttaǵy úlgini ustanǵan jas urpaqtyń boıyna ulttyq sana qalyptastyrý qıynnyń qıyny. Osy oraıda, halqymyzdyń ǵasyrlar boıy jınaqtap, ýaqyt tizgininen ótken baı tájirbıelik qazynasyn qoldaný kezek kúttirmeıdi. Ata-babamyz salyp ketken sara joldy tańdap, óskeleń urpaqty salt-dástúrimizben ádet ǵurpymyzǵa saı tárbıelesek utarymyz mol. Ulttyq sana bizdiń ıdeıalogıamyzdyń jáne qazirǵi qoǵam damýynyń negizi bolyp tabylady. Ony iske asyrýdyń joldaryn aıta ketsek, halyqtar dostyǵyn nyǵaıtý maqsatyndaǵy jumystardy atqarý, Otandyq tarıhty tereń meńgerý, memlekettik tildi jáne ulttyq psıhologıany bilý. Sonda ǵana biz bilimdi, daryndy urpaq qatarynan bola alamyz.