InfoHub Logo

Artyq bilim ktiapta,
Erinbeı oqyp bilýge.  

Abaı Qunanbaıuly

Kitap oqý — bul tek bos ýaqytty qyzyq ótkizý ǵana emes. Sonymen birge tulǵa bolyp qalyptasýǵa orasan zor kómegi tıetin paıdaly is. Naqtyraq aıtqanda bul proses oılaý qabiletti jetildirip, sózdik qordy ulǵaıtady jáne sóıleý mádenıetin damytyp, mı belsendiligin jaqsartady.

— Ǵalymdardyń aıtýynsha, kitapty baıaý oqýǵa qaraǵanda, jyldam oqý kezinde kóz anaǵurlym az sharshaıdy eken.

— Adamdardyń 95 paıyzy kitapty óte baıaý oqıdy, mınýtyna bar bolǵany 180-200 sóz.

— Kitapty dástúrli túrde oqýda ony túsiný 60%-dy qurasa, jyldam oqýda — 80% .

— Kitap oqý kezinde oqyrmannyń kózderi ár áripti jeke sýret reitnde kórsetedi, al mı olardy bir sýretke biriktiredi eken.

Kitap árbir adamnyń boıyndaǵy shyǵarmashylyqty oıatýǵa ıtermeleıdi. Sol sebepti, oqyrmandardyń kitapqa degen mahabbatyn, qyzyǵýshylyǵyn oıatý úshin ári kitapty tańdaýda, oqýda qatelikter jibermes úshin birneshe keńestiń tizimin jasadym.

1. Kitap oqýdy ádetke aınaldyrý

Kúnine kitap oqýǵa 1saǵat arnaý qajet, al ýaqytyńyz bolmasa keminde 15 mınýt oqý kerek. Sonda mıyńyz tynyǵyp sergip qalasyz jánede sizdiń tulǵalyq damýyńyzǵa úlken áser etedi.

2. Kitapty durys tańdaý

Eń aldymen kitapty júıelikpen jáne jas ereksheligine qaraı avtorlardy tańdaǵan jón.

Oqý barysynda júıelikke asa men bergen abzal. Bastaýysh oqýshylary balalar ádebıetin, ertegi kitaptardy oqymaı turyp “Abaı joly” nemese” Kóshpendilerdi” oqyǵanymen, tolyqtaı túsinip, ózine kerek dúnıeni ala almaıdy. Sol sekildi, jasóspirim shaǵynda “Mahabbat qyzyq mol jyldardy” oqymaǵan adam, jasy ulǵaıǵannan keıin qansha talpynsa da romannyń qyzyǵyna bata almaıdy.

3. Negizgi oılardy túrtip alý

Kitaptaǵy ózińizge qajetti jerlerin jazyp alý sizge paıdasyn tıgizedi.

Naqyl sózder nemese qanatty sózderdi jazý arqyly sizde jańa oılar týyndaıdy, ómirge degen kózqarasyńyz ózgeredi jáne kitap oqýǵa degen qulshynysyńyz arta túsedi.

4. Taldaý jasaý

Kitapty oqyp bitkennen keıin óz oıymyzdy tujyrymdaımyz. Iaǵnı kitaptan túsingenińdi, ne túıgenińdi baıandaý. Oqyǵan kitaptan tájıirbe jınap, ózimizge qajet qundylyqtardy alý. Osy keńesterdi paıdalana otyryp kitaptyń qanshalyqty paıdaly bolǵanyn bile alamyz.

5 Bólisý

Kitapty oqyp bolǵannan keıin ony dostaryńmen, jaqyndaryńmen bólisý. Bir-birińmen pikir almasyp, oqyǵan kitapty talqylaý. Bul ádis oqyǵanyńyzdy este saqtaýǵa kómektesedi.

Nurdilla Asyljan

---