InfoHub Logo

Bejeńniń Áınep, Záınep degen eki qyzy bolǵan eken. Arasy bir jasar teteles ósken eki bala Bejeń úıinde bolsa, qasynan shyqpaı erkelep, ákelerinen eki eli aıyrylmaıtyn bolypty. Eki balasynyń meıiri Bejeńe aýǵan eken de, Bejeńniń jany osy eki balasynyń ústinde eken.

Belgili bir jyly Bejeń saparǵa shyǵady. Birde dem alyp jatyp uıyqtap ketedi de tús kóredi. Túsinde óz úıiniń tórinde otyrsa, úıinde baqqan eki kepter bar eken, bir qarshyǵa kıiz úıdiń shańyraǵynan ushyp kiredi de, álgi eki kepterdi teń ilip alyp, esikten shyǵyp ketedi. Bejeń ornynan turyp kepterdi arashalap alyp qalaıyn dep qozǵalǵanda ózi oıanyp ketedi. Osydan keıin kóńili qobaljyp, úıine qaıtqysy kelip, jumysyn tez bitirip úıine qaıtady. Bejeń kelgenshe eki balasy juqpaly qyzylsha aýrýyna shaldyǵyp, ekeýi de bir kúnde teń qaıtys bolady. Balalardy endi ǵana oń jaqqa jatqyzyp bolǵan kezde, Bejeń de úıine kelip túsedi. Balalarynyń ejelgi daǵdysy boıyn sha aldynan júgirip shyqpaǵanynan kúmándanady. Bejeń úıine kirýmen zarly kóris bastalady da, shańyraqtan ólim shyqqany málim bolady. Bejeń taǵat qyla almaı oń jaqtaǵy shymyldyqty ashyp qarasa, eki bala qatar jatqan. ol shydap tura almaı eki balasyn qushaqtap baýyryna basyp, «qos janarym, ekeýim», «ekeýim, ekeýim» dep egile eńireıdi. úı toly adam birge jylap, búkil úı kúńirenedi. Qatarǵa qosylyp, kózge kórinip qalǵan eki birdeı balanyń bir kúnde teń qaıtys bolyp, oń jaqta sulap jatýy Bejeńdi aýyr qaıǵy teńizine batyrady. Qos balapanyn ólimge qımaǵan ol, qarasha aıynda kıiz úıdiń irgesin túrgizip tastap, balalaryn shyǵartpaıdy. ózi de nár tatpaıdy. Aqyry Qulbek bastaǵan el aqsaqaldary kelip Bejeńe jubatý aıtyp, ılandyryp balalardy qoıdyrǵan eken. Balalarynyń ólimine qatty qaıǵyryp nazalanǵa Bejeń «Qos janarym, ekeýim», «Ekeýim, ekeýim» atty qaıǵy-qasiret ke toly zarly kúıdi shertip, sherin, muńyn tarqatady eken.

---