InfoHub Logo

«Elbasy – eldiń tutqasy!»
Balalar mýzyka áýenimen zalǵa kiredi.

Júrgizýshi: Birde shyrqap, birde tómen qulaǵan,
Ómir joly bolǵan qıyn buralań.
Qazaǵymdy jarqyn jolǵa bastady,
Elbasy bop saılandy da Nur aǵam!
Bıikteı ber, Nur aǵa!
Qyran qanat talmasyn,
Qadirlemeı tura ma,
Halyq sizdeı tulǵasyn?!
Gúldene ber, Otanym,
Kótergen týyn Nur aǵam.
Kóbeıtken dostyq qataryn,
Nur aǵa bizdiń - uly adam!- demekshi, elimiz jeltoqsan aıynyń 1 - shi juldyzynda Qazaqstan Respýblıkasynyń Tuńǵysh Prezıdenti kúnin jyl saıyn atap ótedi. Mereke qutty bolsyn, qurmetti ujymdastar! Aspanymyz ashyq, elimiz, jerimiz aman bolsyn!
Osy merekege oraı, «Saýra» toby búldirshinderiniń «Elbasy – eldiń tutqasy!» atty erteńgiligimizdi qasıetti qazaǵymnyń Gımnin oryndaýdan bastaımyz.
Gımn: «Meniń Qazaqstanym!»

Júrgizýshi: Balalar, biz qaı memlekette turamyz?
Balalar: Qazaqstan Respýblıkasynda.

Júrgizýshi: Otany bar, eli bar jan - ámanda,
Baqytty ǵoı myna baıtaq ǵalamda.
Otan degen ottan ystyq jalǵyz sóz,
Jalyn bergen, maǵan daǵy saǵan da.

Slaıd: «Elbasy ómirinen úzindi»

Júrgizýshi: Elbasymyz Nursultan Ábishuly Nazarbaev táýelsiz elimizdiń negizin qalaýshy. Balalar, prezıdent bolý óte qıyn jáne jaýapty is. «Prezıdent» sózin latyn tilinen aýdarǵanda «aldynda otyrǵan» degen uǵymdy bildiredi eken. Biz Nursultan atamyzben birge 24 jyl boıy egemen elimizdiń týyn kókte jelbiretip kelemiz. N. Á. Nazarbaev 1940jyly 6 shildede Almaty oblysy Qaskeleń aýdany Shamalǵan aýyly Úshqońyr jaılaýynda dúnıege kelgen. Ákesi Ábish pen anasy Áljannyń tárbıesinde bolǵan. Nursultan atamyz mektepti óte jaqsy oqyp, jaqsy bilim alady. Eńbek jolyn 1960 jyly Temirtaý qalasyndaǵy Qaraǵandy metalýrgıa kombınatynda qatardaǵy jumysshy bolyp bastap, domna peshiniń aǵa gazdalýshylyǵyna deıingi joldan ótken. 1991 jyly 1 - jeltoqsanda respýblıka jurtshylyǵy tuńǵysh ret Nursultan Ábishuly Nazarbaevty Qazaqstannyń Prezıdenti etip saılady. Ol Qazaqstan Úkimetin basqarǵanda 44 jasta bolatyn.
Al, endi Elbasymyz týraly óleń - jyrlarǵa kezek bereıik!

Nurlybek: Aýyr kúndi artymyzǵa tastaýy -
Qıyn sátte qıyndyqtan qashpaýy.
Tilim, dinim, ultym qaıta kógergen,
Elbasymyz Nuraǵanyń bastaýy.
Týdy ustap týra jolǵa túsirip,
Jas Otannyń ómirin de túsinip.
«Elim, jerim» dep urandap taısalmaı,
Bir keremet jasady - aý kisilik.
Elbasymyz saǵan máńgi razymyz,
Úlken - kishi, aǵaıyndar - bárimiz.

Aısulý: Kóteredi shańyraq Astanam asqaq,
Jańaryp qalam, jasaryp dalam.
Basyńnan serpi bodandyq júgin,
Ketpeıdi oıdan Otandyq uǵym.
Arystan júrek, aıbyndy elim,
Tanıdy seni bar álem búgin.
Halqym aıtqan jer kóterer el dańqyn,
Elim aıtqan el kóterer jer dańqyn.
Prezıdentim, Elbasy, aman bolǵaı,
Máńgi jasa, jas qazaǵym, ór halqym!
Nurym: Qazaq eli – Otanym,
Baq - bereke, baılyǵym.
Bar álemge pash etken,
Nur aǵa bastaý – bulaǵym!
Kamıla: Kúnge bettep bara jatyr kósh júrip,
Eldiń dańqy bar jahanǵa estilip.
Elbasyn qurmetteıtin erekshe
Armysyzdar, aq peıildi kópshilik.

Moldıar: Táýelsizdikti elge syılady
Beıbitshilikti elge qalady.
Oryndalyp armany,
Halqymyzda ajarly,
Osynyń bári árıne,
Elbasynyń arqasy.

Án: «Biz ómirdiń gúlimiz!» oryndaıtyn hor.

Júrgizýshi: Balalar, Qazaqstan Respýblıkasynyń Memlekettik Rámizderine neler jatady? Avtorlary kim?

Balalar: Bizdiń rámizderimiz - Eltańba, Tý, Gımn. Eltańbanyń avtorlary: Shota Ýálıhanov, Jandarbek Málibekov. Týdyń avtorlary: Sháken Nıazbekov. Gımnniń sózin jazǵandar: Shámshi Qaldaıaqov, Nursultan Nazarbaev, Jumeken Nájimedenov.