Elimizde álemdik Johns Hopkins daryndy balalar ortalyǵy ashylmaq
Nur-Sultan nemese Almaty qalasynda álemdik deńgeıdegi daryndy balalarǵa arnalǵan ortalyq ashý josparlanyp jatyr. Bul týraly «Daryn» respýblıkalyq ǵylymı-praktıkalyq ortalyǵynyń dırektory Ánýar Unaıbekov málim etti.
«Ǵylymı-zertteý baǵytty damytý sheńberinde biz daryndy oqýshylarǵa arnalǵan bilim berý baǵdarlamasyn ázirleımiz. Atalǵan baǵdarlamany júzege asyrýǵa múmkindik beretin álemdegi daryndy balalarmen jumys isteıtin eń iri ortalyqtardyń biri Johns Hopkins uıymymen memorandým jasaýdy josparlap otyrmyz. Aldaryńyzdaǵy slaıdtan birneshe tanymal tulǵalardy kórip otyrsyzdar. Olar Johns Hopkins ortalyǵynyń túlekteri», - dedi Ánýar Unaıbekov QR Oqý-aǵartý mınıstrliginiń apparat jınalysynda.
Onyń aıtýynsha, álemde 13 «Johns Hopkins» daryndy balalar ortalyǵy jumys isteıdi. Onyń ony AQSH-ta, al úsheýi Gonkong, Irlandıa jáne Gresıada.
«Jaqyn arada Nur-Sultan nemese Almaty qalasynda 14-shi ortalyq ashý týraly bastama kóterýdi josparlap otyrmyz», - deıdi ol.
Sondaı-aq, «Daryn» ortalyǵynyń basshysy kelesi jyly halyqaralyq olımpıadalarǵa qatysý sapasyn jaqsarta túsý mindetiniń turǵanyn aıtty.
«Bıyl tamyzda biz álemdegi eń bedeldi olımpıadalarǵa qatysý kezeńin aıaqtadyq. Oqý-aǵartý mınıstrliginiń qoldaýymen elimizdiń qurama komandasy 7 halyqaralyq olımpıadaǵa qatysty. Onyń nátıjesinde daryndy balalarymyz 3 altyn, 15 kúmis jáne 9 qola medal jeńip aldy. Barlyǵy 27 júlde. Bul jetistik Qazaqstan Respýblıkasy tarıhyndaǵy absolúttik rekord», - dedi Á. Unaıbekov.
You Might Also Like
-
Aınalańyzǵa zer salyńyz. Álemde oryn alyp jatqan qanshama saıası, ekonomıkalyq máseleler bar. Sonyń biri "din máselesi". Dinı ahýal, dinı másele, dinı qaqtyǵystar, dinı saýattylyq dep qoǵam...
-
Aryqtan sý aǵady shyr aınalyp, Násiptige mal biter bir aınalyp. Jastyǵyńnyń shaǵynda oına da kúl, Kim bar kim joq kelgenshe qaıta aınalyp. Qaıyrmasy: Qudajan jorytqanda jol bolsyn, Qudaǵı...
