Elimizde JOO oqytýshylary qansha jalaqy alady
Bıyl elimizdiń ulttyq jáne memlekettik joǵary oqý oryndary oqytýshylarynyń jalaqysy ósti. Bul týraly QR Bilim jáne ǵylym mınıstrligi Joǵary jáne joǵary oqý oqý ornynan keıingi bilim departamentiniń dırektory Ádilet Toıbaev aıtty.
«Bıyl ulttyq joǵary oqý oryndarynda profesor laýazymy deńgeıindegi jalaqy 29 paıyzǵa artyp, 272 myń teńgege, memlekettik JOO-larda 19 paıyzǵa artyp, 248 myń teńgege jetti. Ulttyq JOO-larda profesor-dosent deńgeıinde jalaqy 31, memlekettik JOO-larda 11 paıyzǵa artty. Ulttyq JOO-lardyń aǵa oqytýshylary jalaqysy qyrkúıekte 32, memlekettik JOO-larda 18 paıyzǵa ósip, respýblıka boıynsha 116 myń teńgeni qurady», — dedi Ádilet Toıbaev mınıstrliktiń apparat jınalysynda.
Onyń aıtýynsha, jalaqynyń ósýi memlekettik bilim tapsyrystarynyń artýy esebinen oryn alyp otyr. Atap aıtqanda, 2019 jyly ulttyq JOO-lardaǵy memlekettik bilim tapsyrysy 636 myń bolsa, 2020 jyly ol 1 008 200 teńgege jetti. Memlekettik JOO-lardaǵy pedagogıkalyq baǵyt boıynsha memlekettik bilim tapsyrysy 443 myńnan 901 myńǵa deıin artty. Joǵary oqý oryndary joǵarylatylǵan memlekettik tapsyrys 1 qyrkúıekten aldy.
«Memlekettik JOO-lardaǵy oqytýshylardyń jalaqysy respýblıka boıynsha orta eseppen 98 myńnan 116 myńǵa deıin, dosentterde 175 myńan 193 myńǵa deıin, profesorlarda 209 myńnan 248 myńǵa deıin kóterildi», — dedi departament basshysy.
Ádilet Toıbaevtyń dereginshe, profesorlar L.Gýmılev atyndaǵy Eýrazıa ulttyq ýnıversıtetinde 386 myń teńge, Abaı atyndaǵy Qazaq ulttyq pedagogıkalyq ýnıversıtetinde 306 myń, Jubanov atyndaǵy ýnıversıtette 186 myń, oqytýshylar Amanjolov atyndaǵy ýnıversıtette 128 myń, Qyzdar pedagogıkalyq ýnıversıtetinde 149 myń myń teńge jalaqy alady.
You Might Also Like
