InfoHub Logo

(Abazın ertegisi)

Ertede bir pil jerden dán shoqyp júrgen áteshti kóredi. Baqylap biraz turady da:

— Kel, ekeýmiz tamaq jeýden jarysaıyq. Qaısymyz kóp jesek, sol jeńimpaz bolsyn, — deıdi.

Átesh:

— Qo-qo-qoq! Aıtqanyńa quldyq, — dep kelise ketedi.

Sóıtip ekeýi tamaq jeýge kirisedi. Pil aınaladaǵy shópti opyryp jep, qarnyn ábden toıdyryp, uıyqtap qalady. Bir kezde kózin ashsa, átesh áli jer shoqyp, dán terip júr eken.

«Áı, mynaý toıymsyzdyń naq ózi ǵoı! Menen buryn tamaq jep júr edi, áli qoımapty. Bul ne degen qomaǵaılyq?!» dep pil ań-tań bolady.Pildiń abyrjyp qalǵanyn átesh baıqaı qoıady da:

— Qo-qo-qoq! Men jeńdim! Men bárinen myqtymyn! — dep moınyn sozyp, masattana shaqyrady.

Bir kezde ol qanatyn qaǵyp-qaǵyp jiberip, pildiń ústine bir-aq shyǵady.

Pil qatty qorqyp ketedi.

— Jemeshi meni! Aıashy bir jolǵa! — dep jalyna bastaıdy.

— Onda jeńilgenińdi moıynda! — deıdi átesh.

Pil:

— Moıyndaımyn! Jeńildim! — dep ormanǵa qaraı tapyraqtap qasha jóneledi.

Al átesh jerge qarǵyp túsip, pildi qorqytqanyna kóńili masaırap, jan-jaǵyna qoqılanyp qaraı beripti.

---