InfoHub Logo

Bilim jáne ǵylym mınıstri Ashat Aımaǵambetov barlyq oblysta pedagogtardyń quqyǵyn qorǵaý jónindegi keńester ashylyp jatqanyn aıtty.

«2020 jyly bilim berý salasynda jáne onyń barlyq deńgeıinde sapaly ózgerister boldy. Desek te, jetistikter de, kemshilikteri de bar. Birinshiden, «Pedagog mártebesi týraly» zańynyń aıasynda pedagogtardyń eńbek jaǵdaılary jaqsartylyp keledi. Pedagogtardy tán emes qyzmetterge ári kózdelmegen esepterge tartýdan bosatý sharalary qabyldandy. Sonymen qatar, barlyq oblysta pedagogtaryń quqyqtaryn qorǵaý jónindegi keńester ashyla bastady. Bıyl bul jumysty sońyna deıin jetkizemiz», - dedi A. Aımaǵambetov Bilim mınıstrliginiń alqa májilisinde.

Onyń aıtýynsha, Memleket basshysynyń bergen tapsyrmasy aıasynda 2024 jylǵa qaraı pedagogtardyń jalaqysy 2 ese artady.

«Osy qadamdar mektepterdi kadrlarmen tolyq qamtýǵa etýge múmkindik beredi. Taǵy bir mańyzdy másele - pedagogtardy jumysqa qabyldaý endi konkýrs arqyly naqty biliktilik kórsetkishterine sáıkes júrgiziledi jáne de ony elektrondy formatqa kóshiremiz. Osyǵan qosa 2021 jyldan bastap pedagogıkalyq mamandyq boıynsha jumysqa alǵash ret turý úshin úmitkerler kásibı sheberligi turǵysynda sertıfıkattaýdan ótedi. Iaǵnı dıplomǵa qosa, kvalıfıkasıa alý mindeti engiziledi», - dedi vedomstvo basshysy.

Budan buryn habarlanǵandaı, vedomstvo basshysy balalardyń qaýipsizdigin qamtamasyz etý maqsatynda barlyq óńirde mektepterdi beınebaqylaý júıesimen 100 paıyz, jyly ájethanalarmen 99 paıyz qamtamasyz etilgenin aıtty.

---