Pedagog mamandyǵyn tańdaǵan «Altyn belgi» ıegerleri eki esege artqan
Pedagog mamandyǵyn tańdaǵan «Altyn belgi» ıegerleri eki esege jýyq ulǵaıdy. Bul týraly Bilim jáne ǵylym mınıstrliginiń alqa májilisinde vedomstvo basshysy Ashat Aımaǵambetov aıtty.
«Byltyrdan bastap pedagogıkalyq kadrlardy daıyndaýdy arttyrý maqsatynda joǵary oqý oryndaryna qabyldaý talaptaryn da kúsheıttik. Osy pedagogıkalyq mamandyqqa myqty túlekterdi ǵana qabyldaý úshin Ulttyq biryńǵaı testileýdiń buǵan deıingi shekti baly 50 bolsa, qazir ony 75 balǵa deıin kóterdik. Al osy mamandyqqa túsýdi yntalandyrý úshin bolashaq pedagogtardyń shákirtaqysy joǵarylady, qazir ol 42 myń teńge», - dedi A. Aımaǵambetov.
Osy oraıda ol bul qadamdar oń nátıje berip jatqanyn atap ótti.
«Pedagog mamandyǵyn tańdaǵan «Altyn belgi» ıegerleri eki esege jýyq ulǵaıdy. Osy mamandyqqa túsýshilerdiń ortasha baly 90-ǵa deıin jetti. Bul muǵalim mamandyǵyna myqty kadrlardyń kelýin qamtamasyz etedi. Osy reformanyń oń nátıjesin kórip otyrmyz jáne bul baǵyttaǵy jumystardy jalǵastyrý kerek», - dedi vedomstvo basshysy.
Budan buryn habarlanǵandaı, mınıstr pedagogtardy tán emes qyzmetterge ári kózdelmegen esepterge tartýdan bosatý sharalary qabyldanǵanyn aıtty.
You Might Also Like
-
Joǵary oqý oryndary pedagogtarynyń jalaqysy óte tómen. Bul týraly Bilim jáne ǵylym mınıstrliginiń alqa májilisinde vedomstvo basshysy Ashat Aımaǵambetov aıtty.
-
Oqýlyqtardy irikteý rásimine qoıylatyn talaptar qatańdatyldy. Bul týraly Bilim jáne ǵylym mınıstrliginiń alqa májilisinde vedomstvo basshysy Ashat Aımaǵambetov málim etti.
