Elimizdiń taǵdyryna buıyrǵan baqyt
Aqtóbe oblysy Hromtaý aýdany
Bógetsaı mektep-gımnazıasy
8-klass oqýshysy Baqyt Aqbota
Jetekshisi mýzyka páni muǵalimi Hasenova G.R.
Elimizdiń taǵdyryna buıyrǵan baqyt - EKSPO – 2017. Bul sharany ótkizýge yntaly elder kóp edi. Qazaq jurty alapaýyt eldermen alamanda jeńimpaz atandy. EKSPO – kórmesi olımpıada oıyndarymen para-par kórme,búkil dúnıejúzine ónerimizdi, bilimimizdi, ómirimizdi kórsetý jáne dúnıe júzi elderiniń ómirimen tanysý.Astana kórmesiniń urany – «Bolashaq energıasy». Ǵalymdar elimizdiń qýat kózi etip,jelikken jeldi, qýyrǵan kúndi, seldetken sýdy aldy. Elimiz taǵy bir bıiktikti baǵyndyrdy. Dúnıejúziniń 161 memleketi múshe bolyp tabylatyn halyqaralyq «EKSPO -2017» kórmesi ótken ortalyq boldy. Júzge jýyq memleket óz jetistikterin pash etken bul jahandyq kórme Ortalyq Azıa tarıhynda tuńǵysh ret ótkizildi. Bul Astana qalasynyń ekonomıkalyq ahýaly damyǵan, aldyńǵy qatarly memleketter sanatyna qosylǵanymyzdyń belgisi.Ǵylymda da , bilimde de ilgerýshilik bar. Ǵalymdar 15 jyl boıy janyp turatyn lampochka oılap tapqan. Shıkizat túri jetkilikti bolǵandyqtan bıotehnologıa, jasyl tehnologıalar oılastyryldy. Tipti adam denesin jylytyp turatyn batareıa jasaý múmkindigi de qarastyryldy. Osyndaı jumystar elimizdiń zerthanasynda qaınap pisip «EKSPO-17» kórmesinde álemdi tań qaldyrdy. Al Astana qalasynda kórme - qalashyǵy boı kóterip, kórkimen oqshaýlanyp tur. Sáni men symbaty kelisken pavılondar nysandarynyń eń úzdikteri buzylmaı, Astana menshigine aınaldy.
Qazirgi qoǵam talaby jańa ortaǵa laıyq, jańa suranymdarǵa saı bilim men bilikti qatar meńgerýin talap etetin, bilim berýdiń jańa baǵyt-baǵdaryn ustanǵan el júregi, bilim nuryn sebetin qalam – Astanam óse ber, órkendeı ber demekpin.
You Might Also Like
