InfoHub Logo

Aqtóbe oblysy

Hromtaý aýdany

Bógetsaı mektep-gımnazıasy

8-klass oqýshysy Rahymjan Kórkem 

Jetekshisi :Hasenova Galá Rahymjanqyzy

«Adam – tabıǵattyń bir bólshegi» dep beker aıtylmaǵan eken. Qarap tursań, adamnyń qurylysynda, jan dúnıesinde tabıǵatqa óte kóp uqsastyq baıqalady. Sýy mol, bulqynbaı aǵatyn tereń ózendi kórgende, minezi aýyr, ár isin tıanaqty atqaratyn, sabyrly, az sóılep, kóp jumys tyndyratyn kisiler elesteıdi. Ondaı adamdar kóp ishinde julqynyp sóılemeıdi, «meni elemedi-aý» dep, óz qyzmetin buldamaıdy da. Ózine tán sabyrlylyqpen, ár kúnin ózindik tabysymen shyǵaryp salady. Ondaı adamdy tek tikeleı biletin, aralasyp júrgen kisiler bolmasa, basqalary baıqamaıdy da.

Meniń  aýylymda  dál osy aıtylǵandarǵa laıyqty azamat  turady. Mamandyǵy – fızıka pániniń ustazy. Jaqsy maman, asyl azamat.

Ia, ustaz bolý ońaı emes. Ár úıdiń bir-bir erkesin oqytý. Al, ózi erke buzyq balany jónge keltirý ońaı sharýa emes. Bul jolda bilim de kerek. Eń bastysy balanyń  júregine jol taba biletin psıholog bola bilý aýadaı qajet. Osyndaı talaptarǵa ustazdyń ustamy, tózimdi bolyp, oryndy sheshim qabyldaı bilýine baılanysty.

Meniń ustazym bir mektepte 36 jyl qyzmet jasap, osy mektepten zeınetkerlikke shyqqan. Jastaıynan eskerimdi alǵyr aǵaı óziniń talpynysyn, izdenisin udaıy jalǵastyrǵan. Qolyna ne alsa da, múltiksiz oryndap, tıanaqty tyndyra bilýdi daǵdyǵa aınaldyrǵan.

Uzaq jylǵy eńbekteri eleýsiz qalmaǵan. Talaı ret baǵaly zattar, gramotalar alǵany óz aldyna.  1968 jyly «Oqý aǵartý isiniń úzdigi» medalimen marapattalǵan.

Bógetsaı  aýylymnyń  jaǵasynda  Or ózeni attas bulaq aǵyp jatyr. Osy jer bir tamasha kórinistiń mekeni sıaqty maǵan. Bulaq atyna saı qumdy jerdi qaq jaryp, aýyldy ekige bólip baryp, Or ózenine quıady. Ol bulaq jyl on eki aıda bir asyp-taspaı, óz qalpyn buzbaıdy. Sol bulaqtyń ózenge quıar saǵasynda meniń aǵaıymnyń úıi tur. Sol bulaq bir sát aǵaıǵa uqsap ketkendeı. Aǵaıdyń sabyrly, salmaqty beınesi tabıǵattan enshi alǵandaı kórindi maǵan. «Tabıǵatqa uqsaǵan adam talantty, qaıratty bolady» deıdi dana halqymyz. Men de aǵaıymnyń sanaly ómiri men ónegeli isine dán rıza bolamyn. Olaı bolsa, «Osyndaı abzal jan japyraǵyn keńge jaıyp, jarqyraı bersin!Aǵaıdyń jaqsy isteri árdaıym órken jaısyn!» demekpin.   

---