InfoHub Logo

Sybaılas jemqorlyq kúni búginge deıin joıylmaı kele jatyrǵan keseldiń biri desek  qatelespeımiz. Sybaılas jemqorlyq básekelestikke keri áserin tıgizedi, sebebi «para» básekelestik emes múmkindikter jasaıdy. Sybaılas jemqorlyq qoǵamdyq adamgershilikke  qaýip tóndiredi, sebebi azamattar sanasynda, ásirese jas urpaqtarda, ómirdiń joǵary deńgeıine jetýdiń negizgi ádisi zańǵa qaıshy qyzmetpen baılanysty eken degen tereń ónegesiz senim qalyptasýy múmkin.

Qoǵamymyzdyń denin jegideı jegen jegi qurttardyń biri – para alý. Paıdakúnemdik qylmystar qataryna jatatyn para alýdyń maǵynasy – laýazymdy tulǵa óz qyzmetin paıdalanyp, istegen «jaqsylyǵy» úshin zańsyz materıaldyq syıaqy alýy. Bul degenińiz aqtalmaıtyn arsyzdyq. Shynyna kelgende  kóp adamdar joǵary oqý ornyna túsý, qyzmetke ornalasý nemese taǵy  basqa  jaǵdaıda  bul qylmyspen betpe bet kezdesip jatady. Memlekettiń damýyna barmaq basty, burynǵy ótken ata-babalarymyz da dóp basyp «týra bıde týǵan joq, týǵandy bıde ıman joq» degen. Olardyń ádildik pen týrashyldyqty tý etkendigin biz tarıhtan jaqsy bilemiz.

Bizdiń  qoǵamda sybaılas jemqorlyqqa  oryn joq. Qoǵamnyń barlyq kúsh-jigerin biriktirip, osy derttiń odan ári ýshyqpaýy úshin ony toqtatýdyń barlyq amaldaryn qoldaný arqyly ǵana bul qubylysqa tıimdi túrde qarsy turýǵa bolady.

Elimizdiń barlyq óńirleri men memlekettik organdarynda sybaılas jemqorlyqqa qarsy ár túrli sharalar ótkizilip belsendilik tanytýda. Biraq, jemqorlyq  des  berer emes. Sybaılastyqtyń  quryǵyna túsetin de, ony toqtatatyn da halyq. Sondyqtan  qulqynnyń  qamyn  oılaǵan keıbireýlerdiń  teris  áreketi búkil ujymǵa  keri  áserin tıgizbeýi úshin sybaılas  jemqorlyqqa  qarsy  birlesip ymyrasyz  kúreskenimiz  durys.

Jumabergenova Bazargúl Baqtıarqyzy

Atyraý oblysy, Qyzylqoǵa aýdany, Qonystaný aýyly

---