InfoHub Logo

«Elimniń baqytyn terbetken – Táýelsizdik» atty merekelik erteńgilik
Maqsaty: Balalarǵa táýelsizdigimiz týraly áńgimelep, jalpy túsinik berý. Otan, týǵan jer, Ata-mekenimizdi qurmettep, súıýge, patrıottyq tárbıe berý. Týǵan eliniń bolashaǵyna úles qosyp, eli, jeri úshin qyzmet etýge tárbıeleý. Ulttyq tildi jaqsy meńgerýge, ultjandylyq sezimdi qalyptastyrýǵa oılaý, tanymdylyq qabiletterin arttyra otyryp, ónerge baýlý.
(Eki toptyń balalary sappen, mýzykamen zalǵa kiredi)
Kórnekiligi:
1. Qazaqstan Respýblıkasynyń memlekettik rámizderi: Týy, Eltańbasy, Ánurany, N. Á. Nazarbaevtyń portreti, jeltoqsan qurbandarynyń sýreti. Jalaýshalar.
2. Sharlar, gúlder, mýzykamen jabdyqtalǵan.

Tárbıeshi: Sálemetsizder me, qurmetti qonaqtar, ustazdar jáne balalar! Bizdiń búgingi "Elimniń baqytyn terbetken – Táýelsizdik” atty erteńgiligimizge qosh keldińizder!
- Búgin biz Qazaqstanymyzdyń Táýelsizdik alǵan kúnin toılaǵaly otyrmyz. Bárimizge meıram qutty bolsyn!!!
"Elimniń baqytyn terbetken – Táýelsizdik” atty erteńgiligimizdi bastaýǵa ruqsat etińizder.

(Balalar án yrǵaǵymen zalǵa kiredi.)

Tárbıeshi: Biz táýelsiz eldiń urpaǵy bolǵanymyzǵa sheksiz qýanamyz. Bizdiń otanymyzdy álem tanydy. Osy sátte Otan týraly eriksiz oıǵa berilesiń. Bul uǵymnyń aıasy keń. Otan – dalań, orman, taýyń, aýylyń men astanań.
Otan ár jumyr basty pendeniń kıeli mekeni, jer basyp júrgen ár tirshilik ıesiniń sheksiz baılyǵy. Táı - táı basqan náreste de, eńkeıgen qarıa da onyń bir múshesi. Eń aldymen bizdiń maqtanyshym rámizderimiz. Bárimiz bir adamdaı turyp gımnimizdi oryndaıyq.
(Balalar, qonaqtar oryndarynda turyp QR Memlekettik gımndi oryndaıdy)

Tárbıeshi: Olaı bolsa bizdiń «Botaqan» tobynyń búldirshinderiniń taqpaqtaryna kezek bereıik.

Jansaıa
Otan - týǵan úıimiz,
Otan - týǵan jerimiz.
Otan - ortaq úıimiz,
Kóńildi án men kúıimiz.

Baqtıar
Otan - jerim, Otan - sýym,
Otan qýat, nár beredi.
Otan – uran, Otan - týym,
Otan máńgi gúldenedi.

Iasmına
Týǵan jerim
Týǵan jerim, keń dalam,
Senen qýat, nár alam.
Maqtan etem belderińdi,
Móldiregen kózderińdi.

Júrgizýshi: Balalar, biz sendermen bir oıyn oınasaq, qalaı qaraısyńdar? Endeshe oıyn qalaı atalatynyn, shartyn muqıat tyńdap alyńdar.
Biz qazir «Kim jyldam?» oıynyn oınaımyz. Bul oıyndy «Botaqan» tobymen ótkizsek. Oıyn sharty bylaı: qazir men senderge bir suraq qoıam, sol suraqqa sender jyldam ári durys jaýap berýge tyrysyńdar. Kelistik pe, balalar? Túsindik pe oıyn shartyn?
Balalar: Iá, túsindik.

Abılev Daýlet