InfoHub Logo

Bastaýysh synyp oqýshylarynyń kóńili sondaı názik te, taza ǵoı, shirkin! Olar ómirdi shynaıy qabyldaıdy. Sol oqýshylarymmen bolǵan birer sátterdi sóz etpekpin.

Adam shyr etip dúnıe esigin ashqannan bastap ómirge degen qulshynysy bastalary haq. Jarqyn bolashaq úshin, árdaıym kemel keleshektiń kiltin jastardyń qolyna ustatyp jatatyn atadan qalǵan dástúrimizdi jalǵap kele jatqan urpaqtarymyz. Kózdi ashyp-jumǵansha óte shyqqan qysqy demalys ta artta qaldy. Erekshe bir qýanysh sezimi boıymdy bılep, mektepke asyǵa basyp kelemin.Áne alystan mektebimizdegi Memleketimizdiń Kók Týy jelbirep qýanyshymdy  eseleı túskendeı. Birinshi synyp oqýshylary aldymnan júgirip shyǵyp máre-sáre. Tipti demalystaǵy qyzyqtaryn jamyraı aıtyp jatyr. Kózderinde úlken úmitpen ustazyn saǵyna qarsy alyp jatqan búldirshinderimdi kórip ynta jigerimniń arta túskenin baıqadym. Dál osy mezettiń ózi keleshegimizdiń kemeldenip, qýanyshymyzdyń eselene túskeniniń kórinisi-aý. Elimizdiń jarqyn bolashaǵy úshin osy keleshek urpaqty bilim nárimen sýsyndatyp jatqan ustaz qaýymynyń adal eńbegin aıtpasqa bolmas. Bizdiń el-shynaıy, aqyldy, isker adamdy dál tanyp,ony qadirlep, qajet bolar jerinde demeý bola bilgen el. Dúnıejúzinde materıaldyq ıgilikteri boıynsha damyǵan elderdiń qataryna enetin kúnder de alys emes. Armandarymyzdyń adastyrmaı týra joldan taıdyrmaýyn tilegen, tálimi men tárbıesin úlgi etken  halyqpyz. Ónegeli áńgimelerdiń birinde:

Birde qarıa jigitke:
— Arman degen ne? — depti.
— Ata, arman degen qıal, — depti jigit.
— Joq, balam, arman degenimiz — aqyl-oıdyń- shyńy. Qus — ushsam deıdi, bala — óssem deıdi, qyz — kópikti bolsam deıdi, jigit — baqytty bolsam deıdi, qart — júzge jetsem deıdi, aqyldy — dana bolsam deıdi, ustaz — shákirtine úlgi bolsam deıdi. Armanyna adaspaǵan jetedi, adasqan armanyna jete almaı ketedi. Aqymaqtyń armany bolmaıdy. Armanyna aqyldy jetedi, aqymaq bul ómirden túńilip ótedi — depti qart. Iá, osydan keıin men oqýshym  4-synyp oqýshysy Maqsutov Darynnyń myna óleń joldaryn keltirýdi jón sanadym.

Endeshe sol asqaq armandarymyzdyń oryndalýyn tileıik. Elimizdiń tynyshtyǵy men bolashaǵynyń jarqyndyǵyna, halqymyzdyń mereıiniń ústem bolatynyna seneıik.

Tarıhyma taǵzym etip kelemin
Elim endi túsirmesin bedelin.
Kemeldengen keleshegi nyq bolyp,
Elimniń men erteńine senemin.

Iskakova Raıgúl
Shyǵys Qazaqstan oblysy
Tarbaǵataı aýdany
Úshtóbe aýyly

---