BǴM mektepten keıingi jańa emtıxandar týraly keńinen aıtyp berdi
Kelesi jyldan bastap mektep túlekteri orta bilimdi támamdaǵanyn bólek emtıxanmen dáleldese, ulttyq biryńǵaı testileý arqyly memlekettik grantqa qol jetkizip, joǵary oqý oryndaryna túse alady. Búgin Astanada ótken baspasóz máslıxatynda QR Bilim jáne ǵylym mınıstrligi mektepke deıingi jáne orta bilim departamentiniń dırektory Jańyl Jontaeva mektepten keıingi emtıxandar týraly aıtyp berdi.
Departament dırektorynyń aıtýynsha, buryn ulttyq biryńǵaı testileýge qatysqysy kelmeıtin balalar ǵana mektep emtıxanyn tapsyrsa, kelesi jyldan bastap barlyq mektep oqýshylary qorytyndy emtıxandy tapsyratyn bolady. Sodan keıin ulttyq biryńǵaı testileýge qatysyp, joǵary oqý ornyna túsip kórmek.
"Mektepte ótetin emtıxannyń bir ereksheligi, 10-11 synyp oqýshylarynyń jaratylystaný-matematıka men gýmanıtarlyq baǵytta bilim alǵandary eskerilip, olar qaı baǵytta oqysa, sol baǵytta emtıxan tapsyratyn bolady. Suraqtar da soǵan saı bolady. Al emtıxandarǵa keler bolsaq, bizdiń balalarymyz ana tili men ádebıetten esse jazady. Oǵan úsh saǵat beriledi. Esse ádebı taqyryptarda beriledi, ol shaǵyn kólemdegi prozalyq shyǵarmalar nemese oqýshynyń óziniń jeke oıyn bildiretin erkin taqyrypta jazylady", - deıdi J.Jontaeva.
Ekinshi emtıxan Qazaqstan tarıxynan tapsyrylady. Ol aýyzsha ótedi. Atalǵan emtıxan boıynsha barlyq bıletterdiń sany 25-ten aspaıdy. Árbir bılette 3 suraqtan bolady.
"Eki suraq Qazaqstan tarıxynyń teorıasyn qamtıtyn bolsa, úshinshi suraq shyǵarmashylyq suraq bolady. Ol kezde kartamen jumys isteý kerek. Úshinshi emtıxan algebra jáne analız bastamalaryna arnalǵan. Bul emtıxan jazbasha bolady. Oǵan bes astronomıalyq saǵat berilip otyr. Sebebi ol bes tapsyrmadan turady. Tapsyrmalary matematıkalyq faktilerdi, túsinikterdi, tásilderdi, esep shyǵarý jáne logıkalyq tapsyrmalardy sheshýge arnalady dep kútilýde. Sonymen birge, orys jáne basqa da tilderde oqıtyn mektepterde qazaq tilinen test bolady degen jospar bar. Oǵan 80 mınýt beriledi. 40 suraqqa 40 upaı beriledi", - dep atap kórsetti departament dırektory. Al sońǵy emtıxannyń pánin mektep oqýshysy ózi tańdaıdy.
You Might Also Like
-
Teledıdar kórý: Turaqty túrde dene jattyǵýlary jasalǵannyń ózinde saǵattap teledıdar aldynda otyrý júrek aýrýy jáne sal aýrýyna shaldyǵý yqtımaldyǵyn arttyrady.
-
Bastaýysh synyp oqýshylarynyń kóńili sondaı názik te, taza ǵoı, shirkin! Olar ómirdi shynaıy qabyldaıdy. Sol oqýshylarymmen bolǵan birer sátterdi sóz etpekpin.
