InfoHub Logo

Bilim jáne ǵylym mınıstrligi ulttyq biryńǵaı testileýdi ekige bóldi. Endi, mektepti bitirý emtıxany oqýshynyń orta bilimdi támamdaǵanyn dáleldese, ulttyq biryńǵaı testileýdiń qorytyndysymen mektep túlekterine memlekettik granttar taǵaıyndalady.

Bilim jáne ǵylym salasynda baqylaý komıteti tóraǵasynyń orynbasary Nurbek Orshýbekovtiń aıtýynsha, ulttyq biryńǵaı testileý engizilgen sońǵy 13 jyldyń ishinde oǵan oqýshylardyń barlyǵy birdeı qatysqan joq. Máselen, sońǵy testileýge mektep oqýshylarynyń 70 paıyzy qatysty. Endi, jańa formatqa sáıkes, "Altyn belgi" taǵaıyndaýdy mektepterdiń ózderi júrgizedi. Ulttyq biryńǵaı testileý kezinde atalǵan ataqty rastaý qajet emes. Testileý tek grant ıegerlerin ǵana anyqtap, joǵary oqý ornyna túsý múmkindigin beredi.

"Sonymen, 2017 jyly túlekter úshin qorytyndy attestasıalaý ózderi oqyǵan mektepte ótkiziledi, ıaǵnı kelesi jyldyń 1-10 maýsym aralyǵynda ótkizý josparlanyp otyr. Al ulttyq biryńǵaı testileý, ıaǵnı joǵary oqý ornyna túsý emtıxany 20-shy maýsym men 1-shi shilde aralyǵynda respýblıka boıynsha 165 testileý beketterinde ótkiziledi", - dep atap kórsetti N.Orshýbekov Ortalyq komýnıkasıalar qyzmetinde ótken baspasóz máslıxatynda.

---