InfoHub Logo

Astana qazaqstyń bas qalasy ǵana emes,sonymen qatar, óner men bilimniń,órkenıet pen jańashyldyqtyń uıytqysy, osy jolda óskeleń urpaqty shyńdaı túsetin shyraıly ortalyq desek te artyq aıtqandyq emes. Basqany qaıdam, óz basym buǵan jýyrda ǵana elordada bolǵan saparymda kóz jetkizdim. Bul sapar  arman qalany kózben kórip, erekshe sezimge bólenýime sebep boldy. Teledıdardan, gazet-jýrnaldardan estip-bilgenim bolmasa, bul meniń Astana qalasyn alǵashqy ret kórýim edi.

Qala sulýlyǵy qaı adamdy bolsyn tamsandyratynyna kúmánim joq. Óıtkeni, bul meken kimdi bolmasyn keń jazıra dalada kósilip jatqan kemel sulýlyǵymen, kúmis kólderimen, Esil, Nura sekildi qyz burymyndaı tarqatylǵan ózenderimen ózine tartady. Sondyqtan bolar, Astana men úshin árqashan saltanattyń qalasy, tasy órge domalap turǵan jandardyń mekeni bolyp elesteıdi.

Qazirgi tańda Astanamyz álemdik, iskerlik baılanystyń kúretamyryna aınalyp otyr. Jaqyn da ǵana bolyp ótken álemdik kórme sony aıǵaǵy. Onyń ózi Elbasynyń sarabdal saıasaty, kóregendigi men kemeńger oıynyń jemisi, arman-maqsaty, halqynyń tarıhynan nár alǵandyǵy shyǵar. Búginde Astanamyz shańyraǵy bıikke kóterilip, ýyǵy nyq qadalyp, keregesi kelisti jaıyldy deýge bolady. Nursultan Nazarbaev Qazaqstannyń Eýrazılyq el ekenin, onyń astanasynyń orasan zor qos qurlyqtyń ókpe tusynda ornalasqanyn,demek keleshekte qalanyń osynaý ulan-ǵaıyr keńistiktiń qýatty jelileri toǵysqan torabyna, HHİ ǵasyrdaǵy ekonomıkalyq, tehnologıalyq, aqparattar tasqynynyń arnasyna aınalatynyn atap kórsetken bolatyn.

Astana — bolashaqtyń qalasy. Mádenıettiń oshaǵy,ǵylym men bilimniń ordasy bolyp tabylatyn sulý shahar – barshamyzdyń arman qalamyz. Kók baıraǵy jelbiregen táýelsiz elimizdiń ordasy.

Keleshegiń jarqyn bolsyn, halqymnyń aq ordasy,kórkeıip,bıikterden kórine bergeısiń!

Nurǵalıeva Aıkórkem

---