InfoHub Logo

L.N.Gýmılev atyndaǵy Eýrazıa ulttyq ýnıversıteti Qazaqstan men TMD elderi  arasynda tuńǵysh ret qurylǵanyna jarty ǵasyrdan aspaǵan, álemniń 50 úzdik ýnıversıtetteri qataryna endi.

Jaqynda málimdelgen 2016 jyl ishindegi QS  50 under 50 halyqaralyq bedeldi reıtıń agenttigi nátıjesiniń qorytyndysy osyndaı. Jalpy reıtıńke álemniń 100 ýnıversıteti qatysqan, dep habarlaıdy atalmysh JOO baspasóz qyzmeti.

 QS 50 under 50 reıtıńinde 37 oryndy ıelený - bul qurylǵanyna nebári jıyrma jyl ǵana tolǵan elimizdiń eń jas ulttyq joǵary oqý ornynyń úlken jetistigi.

Ýnıversıtet bul beleske zamanaýı júıege negizdelgen oqý júıesi, ǵylymı zertteýleri men ınovasıalyq jobalary jáne óndiris oryndarymen jolǵa qoıylǵan yntymaqtastyǵy arqyly qol jetkizip otyr.

Joǵary oqý orny elimizdegi  ındýstrıaldy-ınnovasıalyq damý baǵdarlamasy úshin "Qurylys materıaldary, ónimderi men konstrýksıalardy óńdeý»,  «Ǵaryshtyq tehnıka jáne tehnologıalar», «Bıotehnologıa», «Radıotehnıka, elektronıka jáne telekomýnıkasıa», «Jylý energetıkasy» sıaqty 5 mamandyq boıynsha magıstranttar daıyndaýdy sátti júzege asyrýda.

Ǵylymı-zertteý jumystary  ıadrolyq, ǵaryshtyq, nanotehnologıalyq, bıotehnologıalyq, matematıkalyq modeldeý men aqparattyq tehnologıalar máseleleri boıynsha jan-jaqty júrgizilip keledi. Ýnıversıtet ǵalymdarynyń Thomson Reuters pen  Scopus bıblıometrıalyq bazalyq málimettermen ındekstelgen  reıtıńti basylymdarda jarıalanymdary  da qarqyndy ósip otyr.

Ýnıversıtet shyǵaratyn "Eurasian Mathematical Journal" ǵylymı jýrnaly Scopus halyqaralyq bıblıometrıalyq bazalyq málimetke kiredi.

EUÝ ǵalymdary men stýdentteri "Astana EXPO-2017" halyqaralyq kórmesiniń ǵylymı-zertteý jumystaryna belsendi qatysýda.  Qazir klımat ózgerýin eskere otyryp, Qazaqstan landshaftarynyń ónimdiligi men kóleminiń ekologıalyq baǵasy; jasyl qurylystyń ekologıalyq máseleleri; jylý qamtamasyz etý júıelerine energıa únemdeýshi jylý sorǵylaryn qoldaný taqyryptary boıynsha usynylǵan jobalarǵa kásiporyndar qyzyǵýshylyq tanytyp  otyr.

Sondaı-aq ýnıversıtette Aǵylshyn, qytaı, túrik tilderin meńgergen gıdter men ekskýrsovodtardy daıyndaý ortalyǵy uıymdastyrylǵan. "Astana EXPO-2017"-ge úsh myńnan astam stýdent-volonterler qatyspaq.

L.N.Gýmılev atyndaǵy EUÝ aldaǵy ýaqytta ǵylymı-zertteý habyna aınalyp, joǵary bilim berýdiń barlyq júıesi boıynsha akademıalyq kóshbasshylyq orynyn nyǵaıta túspek.

---