InfoHub Logo

Qazirgi Qostanaı oblysy, Fedorov terıtorıalyq ýpravlenıesiniń ortalyǵy Fedorovka selosynda Ahmet pravıtel turǵan. Bul — Kenesary, Naýryzbaı urpaǵy, «tóre tuqymy» dep atalady. Qarabalyqtan taraıtyn Qońyr eliniń Bólebek degen er kóńildi, ury, batyr jigitin ustatyp, Ahmet pravıtel úıiniń bosaǵasyna baılatyp qoıady, sebebi ol tórege qarsy bolady. Retin taýyp tóreni zıandap júredi. Bólebekti bosatýdy ótingen kisilerdiń aryzyn tóre aıaq asty tastaı beredi.

Bólebek aýlyna kórshiles Týmeke-Álimbet Elqondy degen bir kózi soqyr qart eki soqyr kisini qasyna ertip alyp Ahmet pravıtelge baryp, Bólebekti bosatýdy ótinedi. Elqondy kezinde sózi syılaýly, beldi azamat bolǵan. Ahmet pravıtel:

— Mal-janymdy túgel surasań da bereıin, al Bólebekti aýyzǵa almańdar! — dep kesip aıtady. — Onyń qylǵany az emes, sazaıyn tarttyramyn!

Ahmet pravıteldiń sózge toqtamasyna kózi jetken Elqondy:

— Aı, qalqam, Bólebek! Qanshama jerden eki jarymjan aryp-ashyp, seni suraı kelip otyrmyz. Tóre sózimizdi syılamady, ózimizdi syılamady, sózimizdi tyńdamady. Ekeýara bir kóz bar, táńiri atqanǵa ne sóz bar! Shubarda bir qatyn býaz shyǵar, ul týsa, atyn Bólebek qoıamyz taǵy! — dep, tóreniń tórin qamshymen osyp-osyp jiberedi de kete beredi.

Eki soqyr jaıaýlap elden uzaǵan kezde, tóre áıelin shaqyryp alyp:

— Oıpyrmaı, álgi kisiniń mazasy qalaı qatty edi, aıtqan sózderi tynyshtyǵymdy alyp barady, shaqyrshy, tilegin bereıin, — depti.

---