InfoHub Logo

Ulttyq biryńǵaı testileý óziniń merziminde ótkiziledi dep josparlanǵan. QR Bilim jáne ǵylym vıse-mınıstri Sholpan Karınova onlaın brıfıńide osylaı málim etti.

Brıfıń barysynda «karantın uzaryp jatsa Ulttyq biryńǵaı testileýdiń ýaqyty keıinge shegerile me?» degen saýal qoıyldy.

«Bul sýaldy ata-analar qoıyp otyr. Búginde bul baǵytta sheshim qabyldanǵan joq, áli erterek. Óıtkeni sanıtarlyq-epıdemıologıalyq jaǵdaı qalaı ózgeretini ázirge beımálim. Sondyqtan jaǵdaıǵa baılanysty Bilim jáne ǵylym mınıstrligi tolyq aqparatty beretin bolady. Búginde Ulttyq biryńǵaı testileý óziniń merziminde ótkiziledi dep josparlanǵan. Sáıkesinshe, basqa ózgerister engizilmedi», — dedi Sh. Karınova.

Sonymen qatar ol joǵary synyp oqýshylaryn attestaý máselesine de toqtaldy.

«Qorytyndy attestaýǵa qatysty, ıaǵnı 9-shy jáne 11-shi synyp oqýshylaryn attestaýǵa qatysty ata-analar surap jatyr. Bul taqyrypqa qatysty qosymsha habarlaımyz. Qazirgi negizgi maqsat — IV toqsandy qashyqtan oqytý», — dedi vıse-mınıstr.

---