InfoHub Logo

Syzdyq degen seri jigit Qyzyljar qalasynyń tóńireginde turatyn naǵashysyn izdep shyǵady. El ishinde soǵym soıylyp jatqan mezgil bolsa kerek. Jigit júre-júre sol atyrapqa aty jaıylǵan Júnis baıdyń aýylyna kep jetedi. Ymyrt jabylǵan kez. Attan túsip, baıdyń úıine kirip kelse, úsh-tórt adam shaı ishkeli jatyr eken. Júnis baı qabaǵyn túıip, renish bildiredi.

Teris qaraı sóılep:

— Bala, myna dámge kez keldiń. Qýyrdaq jep, shaı ish. Basqa bir úıge baryp túnersiń. Soǵym soıǵan kúni kisi qondyrmaıtyn yrymymyz bar edi, — deıdi baı. Amal qansha, shaı iship alyp, qaıtadan atqa qonyp, ińir qarańǵysymen júrip ketedi. Eldiń kúzeti men qystaýynyń sheti Qyzyljarǵa deıin sozylady eken.

Syzdyq jol-jónekeı:

— Búgin Júnis baı kenetten qaıtys boldy. Soǵan janazaǵa shaqyryp júrmin. Erteń ertemen baıdy jerleıdi» dep jar sala júredi...

Júnistiń ólimin aza tutyp, aýylǵa at qoıǵan aǵaıyn-týys, qudandaly-jekjattar erteńine-aq qaraqurymdaı qaptap ketedi. Ólimnen olja izdegen qoja-moldalar da qalmaı jınalady. Eriksiz mal soıylyp, tabaq tartylady. Salt atty jolaýshyny qondyrmaı, bir adamdy aýyrsynǵan Júnistiń mysy quryp, kelesi kúni júz qaraly kisige qonaqasy beripti.

---