InfoHub Logo

Erterekte Qara Ertiste muz qatysymen, el ótip arjaǵyna qystaıdy eken. Babaqan bı bastaǵan bir záńgi el, ejelgi ádeti boıynsha kóship, muzdan ótpek bolady. Babaqan birneshe adammen muzdyń arjaǵyna ótip, attarynan túsip, muzǵa tańyrqaı qarap turady. Kóshken el muz ortasyna kele bergende, muz oıylyp, bir záńgi el muz astyna ketipti.

Babaqan — 80 jasta, on balaly adam eken. Birneshe balasynyń otaýy da bar eken. Bular tutas muz astyna ketipti. Basqalar Babaqan bıge toqtaý aıtsa da, eli-jurtyn, bala-shaǵasyn oılap qaıǵy-zarǵa batyp júredi eken. Bul habardy estigen Qaıraqbaı bir sybyzǵy kúıin tartyp, Babaqanǵa toqtaý aıtypty:

— Emenniń ıilgeni synǵanmen teń, sen emensiń, ıilmeısiń, qaıǵyǵa maıysyp synasyń, biraq Emil tolqıdy, ıilmeıdi. Qaıǵy adamdy tolqytady, adam shydamdy bolý kerek, — degen eken.

Sondyqtan bul kúıdiń atyn «Emil tolqyny» dep qoıǵan eken.

 

---