Erlan Saǵadıev bilim salasynyń úzdikterin marapattady
Bilim salasy qyzmetkerleri úshin búgin qýanyshty kún boldy. Ata-babalarymyz san ǵasyr boıy armandap ótken Táýelsizdikke qol jetkizgenimizge 25 jyl tolýyna oraı uıymdastyrylǵan saltanatty jıynda olar memlekettik nagradalarǵa ıe boldy. Bul marapattar memlekettik jáne qoǵamdyq qyzmette sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesteri úshin tapsyryldy, dep habarlaıdy BAQ.kz.
L.Gýmılev atyndaǵy Eýrazıa ulttyq ýnıversıtetiniń májilis zalynda ótken saltanatty jıyndy QR Bilim jáne ǵylym mınıstri Erlan Saǵadıev ashty. Oqý-aǵartý salasynda ter tógip júrgen áriptesterin quttyqtap, zor tabystar tiledi.
Merekelik basqosýǵa buǵan deıin, tipti, keńestik zamanda oqý-aǵartý salasyn basqarǵandar, onyń ishinde Qazaq Keńes Sosıalısik Respýblıkasynyń Aǵartý mınıstri qyzmetin 13 jyl atqarǵan Qojahmet Balahmetov, 90-jyldarda mınıstrlikti basqarǵan Myrzataı Joldasbekov qatysty.
Olar eńbegimen eleýli bolǵan qyzmetkerlerge «Parasat», «Qurmet» ordenderin tapsyrsa, akademık Kenjeǵalı Saǵadıev bir top qyzmetkerdiń keýdesine «Eren eńbegi úshin» medaldaryn taqty. Sondaı-aq taǵy birneshe mamanǵa «Qazaqstannyń eńbek sińirgen qaıratkeri» ataǵy berilip, QR Qurmet gramotalary tapsyryldy. Sahna tórinde birqatar úzdik qyzmetkerge nagradalar tapsyra otyryp, qutty bolsyn aıtqandardyń arasynda qoǵam qaıratkeri, áıgili ǵalym Jabaıhan Ábdildın de boldy.
Biz óz kezegimizde «Qurmet» ordenimen marapattalǵan Mańǵystaý oblysynyń ortalyǵy – Aqtaý qalasyndaǵy №24 orta mektebiniń muǵalimi Raýshan Jumajanqyzy Nurdy sózge tarttyq.
«Qazirgi kezde bilim salasy qaryshtap damyp keledi. Muǵalim kadrlaryn daıyndaýda da ilgerileýshilik bar. Oblystyq bilim basqarmasy, qalalyq bilim bólimi jáne úılestirý ortalyqtary birigip qyzmet jasap otyr. Búginde balalardyń damýyna barlyq jaǵdaı jasalǵan. Internetke kirýge múmkindik bar qazirde, oqýshylar túrli qural-jabdyqtarmen qamtamasyz etilgen. Mundaı jaǵdaıda balalardyń eshteńege alańdamaı, tek bilim alýǵa múmkindikteri bar dep esepteımin. Ózime keler bolsam, eńbegimniń baǵalanǵanyna sondaı rıza bolyp otyrmyn. Maǵan qoldaý bildirgen ujymyma, marapatqa usynǵan basshylyǵyma rahmetimdi aıtamyn», – dep aǵynan jaryldy ustaz.
You Might Also Like
-
Túıe - tórt túlik maldyń biregeıi. Deneli, shólge shydamdy. Kúshine, tózimdiligine qaraı halyq ony «Qara jerdiń kemesi» dep te ataıdy. Elimizdiń batys óńirinde Aqtaý, Atyraý, Aqtóbe, Almat...
-
Qaı kezeńde bolmasyn, kóp tildi meńgergen halyqtar men ulttar aldyńǵy qatarly eldiń qataryna kirip, óziniń komýnıkasıalyq jáne ıntegrasıalyq qabiletin keńeıtip otyrǵany tarıhtan belgili. Máselen, ...
