InfoHub Logo

Erlik - el muraty
Sabaq maqsaty: Uly Otan soǵysy kezindegi qazaq batyrlarynyń ómirine sholý jasaý, olardyń erlikterin dáripteý arqyly oqýshylardy patrıottyqqa tárbıeleý.
«Erlik» týraly túsinik qalyptastyra otyryp, oqýshylardyń óziniń kózqarasyn, oıyn jetkizý qabiletin arttyrý, ózine degen senimin nyǵaıtý.
Tárbıe baǵyty: áskerı - patrıottyq jáne azamattyq

Sabaq kórnekiligi:
B. Momyshuly, Q. Qaısenov t. b. kitaptary, ańyzǵa aınalǵan batyrlar portreti, suraq - tapsyrmalar jazylǵan kespeler, Qazaqstan Respýblıkasynyń Konstıtýsıasy, psıhologıalyq trenıńke qatysty sýretter.
Sabaq ádisi: baıandaý, suraq - jaýap, oı - pikir aıtý, iskerlik oıyndar

Sabaq barysy:
İ Uıymdastyrý bólimi
Muǵalimniń kirispe sózi:
Qurmetti ustazdar, ata - analar, oqýshylar! Búgingi «Erlik - el muraty» atty
Ashyq tárbıe saǵatymyzǵa qosh keldińizder! Bul sabaǵymyz - mektebimizde
9. 04 - 9. 05 aralyǵyndaǵy «Patrıot» aılyǵynyń aıasynda ótkizilip otyrǵan shara.
Tarıhta «Uly Otan soǵysy» atalǵan soǵys shyn máninde asa úlken, óte aýyr syn boldy. Maıdan dalasynda, tyldaǵy eńbekte qazaqstandyqtar otanshyldyq pen erliktiń óshpes úlgisin kórsetti. Halqymyzdyń bul erligi máńgi jasap, urpaqqa uran, elge mura bolyp qala bermek. Búgingi sabaǵymyzda halqymyzdyń batyrlary, olardyń erlik isteri men ónegeli ómirin ózimizge úlgi ete otyryp, «erlik» degen uǵymǵa baılanysty oılarymyzdy ortaǵa salmaqpyz.
Endeshe, sabaǵymyzdyń júrgizilýi 10 - klass oqýshylaryna tapsyrylady.

Qarlyǵash: Jasasyn Jeńis!
Eńbegi barlyq soldattyń,
Balapan urpaq erligin aıtar jalǵap myń.
Qanshama áke erlikter jasap maıdanda,
Qazaqtyń atyn, halyqtyń atyn samǵattyń!
Otan basyna qaýip tóngen qaћarly soǵys jyldary elin - jerin qorǵaýǵa attanyp, muz jastanyp, qar keshken erler, olarmen qatar sapqa turǵan qaısar qyzdar er júrektiligimen, batyldyǵymen keleshek urpaqqa ónege bolatyndaı iz qaldyrdy.

Olardyń óz Otanyna, halqyna degen súıispenshiligine bas ıip, óz ǵumyryn jaryq juldyzdaı jaǵyp ketken erliginiń túp - tamyryn tanyǵandaı taǵzym etemiz.
Qymbat: Araǵa birneshe kún salyp adamzat óz tarıhyndaǵy qaћarly soǵystaǵy Jeńistiń 64 jyldyq merekesin toılamaq. Uly Jeńis Táýelsiz Memleketter Dostastyǵy elderi úshin ǵana emes, sonymen qatar álem halyqtary úshin de úlken oqıǵa. Uly Otan soǵysy ol Keńes Odaǵy halyqtarynyń tragedıalyq beti ǵana emes, sonymen qatar ol halyqtarymyzdyń teńdesi joq erligi men qajyr - qaıratynyń, birliginiń kýási.

Qarlyǵash: Uly Otan soǵysy jaıynda aıtqanda, sol soǵys qasiretiniń salmaǵyn
sezingendeı bolamyz. Órshil minezderimen, patrıottyq sezimge toly, týǵan jerge degen sheksiz de adal súıispenshilikke bas ıemiz. Beıbit ómirdiń qadirin túsinip, jer betinde tynyshtyq saqtalsa eken dep tileımiz.

Qymbat: Iá, biz úshin, bizdiń nurly bolashaǵymyz úshin qan keshken asyl azamattardy qalaı dáriptesek te kóptik etpeıdi. Sabaǵymyzdyń alǵashqy bólimi «Aty ańyzǵa aınalǵan batyrlar» dep atalady. Aty ańyzǵa aınalǵan batyrlardyń ónegeli ómirin tanytý úshin sóz kezegin oqýshylarǵa berelik.
(Ekrannan B. Momyshulynyń, Q. Qaısenovtyń, Á. Moldaǵulovanyń, M. Mámetovanyń, M. Ǵabdýllınniń, R. Qoshqarbaevtyń portretteri kórsetilip,
oqýshylar olardyń ómirin aıtyp tanystyrady).

Qarlyǵash: sabaǵymyzdyń kelesi kezeńi «Bilgenge marjan» dep atalady.
Bunda eki ordenniń tarıhyn tanystyrmaqpyz. Ardager ata - ájelerdiń keýdesinde jarqyraǵan ordender men medaldardyń ózindik tarıhy bar. Kópshiligi Uly Otan soǵysy jyldarynda ómirge keldi. Uly Otan soǵysynyń eń basty nagradasy -
Uly Jeńis ordeni dep ataldy. 1943 jyly ómirge kelgen Uly Jeńis ordeni kúni búginge deıin álemdegi eń qymbat orden sanalady. Orden altynnan áldeqaıda qymbat platına degen metaldan jasalǵan. Beti asyl tastarmen aıshyqtalǵan.
Orden betindegi bir ǵana gaýhar tastyń jalpy salmaǵy 1, 2 gramdy quraıdy.
Bul ordenmen Uly Otan soǵysynyń aty ańyzǵa aınalǵan qaharmany, marshal Georgıı Konstantınovıch Jýkov marapattaldy.

Aqtóbe oblysy, Alǵa aýdany, Qaraqobda aýyly,
Qaraqobda orta mektebiniń qazaq tili jáne ádebıeti páni
muǵalimi Raımkýlova Anargúl Esenqyzy