InfoHub Logo

Taqyryby: «Uly jeńis - jasasyn!» (tárbıe saǵaty)
Maqsaty: Balalarǵa adamgershilikke, otanyn súıýge, ony qorǵaýǵa baýlý. Otanǵa degen súıispenshiligin arttyrý. Olarǵa patrıottyq tárbıe berý. Balalardy Uly Otan soǵysymen, qazaqstandyqtardyń erlik isterimen tanystyryp, oı - órisin damytý. Balalardy úlken adamdardy syılaı bilýge, olardy qadirleýge tárbıeleý.
Kórnekiligi: Uly Otan soǵysy týraly kitaptar, gúlder, sharlar, batyrlardyń sýretteri, Uly Otan soǵys kezindegi tehnıkalar.
Ótilý barysy: Top ishin bezendirý. Mýzyka oınap turady.
«Ánuran»
Tarıh keshi únemi jańalanyp otyrady. Dese de umytylmaıtyn, eskermeıtin tarıhı oqıǵalar bolady. Sonyń bári álemdi dúr silkindirgen ekinshi dúnıejúzilik soǵystyń qasireti men Uly Jeńistiń qasıetiń batyr aǵalarymyz ben apalarymyzdyń erligin eshkim de eshqashan umytpaq emes.
Álemdi dúr silkindirgen oqıǵa 1941jyly maýsymnyń 22 - de bolǵan edi. Biraq sol kezdegi Keńes eliniń birligi men dostyǵynyń arqasynda 1945 jyly 9 - mamyrda buǵa Uly Jeńispen aıaqtaldy. Mine, sodan beri 67 jyl merzim ýaqyt ótti. Bıyl Uly Jeńistiń 67 jyldyǵy.

Úntaspadan tyńdaý: Tyńdańyzdar, tyńdańyzdar! 1941 jyly 22 - maýsymda tań shapaǵy jańa ǵana araılanyp kele jatqan kezde elimizge qaýip tóndi. Halqymyz adam aıtqysyz qıyn - qystaý kezeńge dýshar boldy. Fashısik Germanıa elimizge opasyzdyqpen basyp kirdi.
Tárbıeshi: Soǵystyń alǵashqy kúnderinen bastap - aq Keńes halqy jan tánimen Otanyn qorǵady. Árbir aýyl, árbir qala úshin keskilesken urys boldy. Qanisher nemis basqynshylarymen Keńes azamattary aıanbaı shaıqasty.
1 bala: Soǵys jalmap aǵa - ini baýyrdy,
Zar jylatty tynysh jatqan aýyldy.
Jalǵyzynan aıyrypty anany,
Ákesinen aıyrypty balany.

Tárbıeshi: Osy soǵysta Keńes odaǵynyń basqa respýblıkalarymen birge bizdiń Qazaqstan Respýblıkasy da jan aıamaı shaıqasty. Dańqty qarýly kúshterdiń jáne eńbek armıasynyń quramynda 1 mln 870 myń qazaqstandyqtar bolǵan.
At aýyzdyǵymen sý ishken, er etegimen sý keshken surapyl soǵysta erlermen birge qoldaryna qarý alyp, Otanyn qorǵaýǵa bizdiń batyr apalarymyz Shyǵys juldyzdary Álıa Moldaǵulova men Mánshúk Mametova erlik kórsetip, batyrlyqpen qaza tapty.
- Iá, keýdesin oqqa tósegen qazaqtyń qarapaıym qyzy Mánshúk qas dushpanynan elin qorǵaǵan edi.
Momyshuly Baýyrjan (1910 - 1982) – ekinshi dúnıejúzilik soǵystyń dańqty jaýyngeri, halyq qaharmany, qazaqtyń kórnekti jazýshysy. Týǵan jeri - Jambyl oblysynyń Jýaly aýdanyndaǵy Kólbastaý mekeni.
Baýyrjan jeti jyldyq mektepti bitirgennen keıin biraz ýaqyt muǵalim bolǵan. Sonda júrgende kezekti áskerı mindetin óteýge shaqyrylyp, onda bir jarym jyl júrip, zapastaǵy komandır ataǵyn alady. Týǵan aýylyna qaıtyp oralǵan soń, ol biraz jyl qarjy mekemesinde qyzmet isteıdi. Sodan qaıtadan Qyzyl Armıa qataryna shaqyrylyp, túrli áskerı bólimderde vzvod, rota, komandıri bolady.
Tárbıeshi: Batyrlar týraly taqpaqtardy kim biledi?
Qaraqat:
Álıany bul kúnde
Barlyq bala biledi
Álıa atty kóńilde
Ápkemiz dep júredi.
Aty ańyz, jyr qylyp,
Eldiń batyr túlegi.
Ár júrekte tur kúlip,
Álıa atty batyr qyz.
Sabrına:
Mánshúk apaı batyr qyz
Ardaqtaımyz atyn biz!
Uqsap Mánshúk apaıǵa
Ósip kele jatyrmyz!
Manas:
Qaıtpaǵan jaýynnan
Qaharman Baýyrjan
Qan isher fashısi
Qyrdy ol myńdaǵan.
Erligi árqashan
Esimde saqtalady
Urpaǵy umytpaıdy.
Ómirinen úlgi alady.
- Iá, surapyl soǵys eshkimdi aıamady. Ana jarynan aıyryldy, bala ákesinen aıyryldy. Biraq úmit oty esh óshken joq. Bala ákesin kúte berdi, kúte berdi.
Álibek:
Jeńis keldi dalama,
Jeńis keldi qalama,
Jeńis keldi áke bop
Eldegi kóp balaǵa.
Dúnıe júzi halqy bostandyq aldy. Halyq Otan uǵymyń tereń sezine tústi. Qaharman erlik pen eńbek jeńip shyqty. Zulymdyq, basqynshylyq tize búkti. Birlik, erlik, halyqtar dostyǵy nyǵaıa tústi.
Tárbıeshi:
Aryltyp jaýdan jerindi
Tabanǵa janshyp ólimdi
Jeńispen jelpip ómirdi
Oraldy erler kóńildi
Deseńder bul qaı kúni
Toǵyzynshy mamyr kúni!

- Balalar, jeńis týraly taqpaqtar aıtaıyq.
Erbol:
Jeńis keldi án bolyp,
Keldi aýylǵa sán kórik
Jeńis keldi alaqaı,
Umytylmas máńgilik.
Karım:
Júırik ozar áıgili
Kúni búgin báıgeniń
Ýra, Ýra balalar!
Toǵyzynshy maı búgin.
Uly Otan soǵysyna qatysqan: Baýyrjan Momyshuly, Mánshúk Mametova, Álıa Moldaǵulova, Málik Ǵabdýllın, Talǵat Bıgeldınov t. b. óz jerlesterimiz: Týlaqbaev Aron ata, Aıapbergenov Qamesh ata.....
Ol kisilerge qurmetpen bas ıemiz. Al osy beıbit ómirge jete almaǵan, erlikpen qaza tapqan aǵalarymyz ben apalarymyzdyń rýhyna bas ıip, eske alaıyq. 1 mınýt eske alý. (áýen oınaıdy.)
Tárbıeshi:. El aldyndaǵy boryshtaryn ótep, elimizdiń amandyǵyn, jerimizdiń tutastyǵyn qorǵap qalǵan erlerge taǵzym etemiz. Olar elimizdiń jarqyn bolashaǵyn, jas urpaqtyń ómirin, halyqtyń baqyty men qýanyshyn saqtap qaldy. Ardagerler erlikteri arqasynda biz osy kúnge jettik. Bizdiń óz qalaýymyzben erkin ómir súrip, mektepte alańsyz bilim alyp jatqanymyz, shattana kúlgenimiz, jaırańdap kúlgenimiz - bári de sol Uly Otan soǵysy Jeńisiniń jemisi. Árıne, soǵys bolmasyn! Bizder soǵysqa qatysyp batyr bolmaıyq. Biz beıbit kúnniń batyrlary bolýǵa tyrysaıyq. El úshin aıanbaı eńbek etip, bilim alyp, óz jerimizdiń patrıottary bolýǵa múmkindikter bar.
Tárbıeshi: Balalar, bizdiń shekarany kim qorǵaıdy? (soldattar)
Erbol:
Shekarada soldat tur.
El baqytyn qorǵap tur.
Kóńildensin aǵalar,
Amandyq hat joldap tur.
Án: «Atameken»
Tárbıeshi: Osymen Uly Jeńistiń 67 jyldyǵyna arnalǵan «Uly jeńis – jasasyn!» atty tárbıe saǵatymyz aıaqtaldy.