InfoHub Logo

Informatıka páni muǵalimi: Qamalıden Aıgerim Saǵyndyqqyzy

Informatıka kafedrasynyń «Informatıka. Matematıka. Fızıka» atty aptalyǵyndaǵy «Smart Student» zıatkerlik oıynnyń
SENARIİ
(saltanat zalynda kórermen retinde oqytýshylar men İ jáne İV kýrs stýdentteri jınalady)
Maqsaty: Oıyn sabaqtary arqyly oqýshylardyń tanymdyq belsendiligin, pánge degen qyzyǵýshylyǵyn arttyrý, zıatkerlik qabiletin damytý, logıkalyq oılaý júıesin qalyptastyrýǵa bolady. Sondaı - aq bundaı oıyndar oqýshylardy shapshańdylyqqa, júıelilikke, jaýapkershilikke, izdenimpazdyqqa, ásemdikke tárbıeleıdi.
Tehnıkalyq quraldar: kompúter, ınteraktıvti taqta.
Saıystyń barysy: oıynǵa 2 komanda qatysady. Saıys 4 týrdan turady.

1 - júrgizýshi: Qaıyrly kún, qurmetti qonaqtar, oqytýshylar men bilimge qushtar jas órender! «Smart Student» atty zıatkerlik oıynǵa qosh keldińizder.
Oıyn 4 týrdan turady:
İ týr – «Bilim aýksıony»
İİ týr «Erýdıtter saıysy»
İİİ týr «Tańdaý - tabys»
İV týr «Shıratý»
Ómirge ózek bolǵan naqty ǵylym,
Álemge aqparattyń shashty nuryn.
Keledi tárbıelep erkin eldiń,
Erteńgi alǵyr qyzyn, tapqyr ulyn.
Oıynymyzdyń aldynda bilim saıysynyń ádil ekspert múshesimen tanys bolyńyzdar. _______________________________________________________

2 - júrgizýshi: Nurly úmitpen arqalaǵan arqaǵa,
Jan sáýlesin taratatyn barshaǵa.
Shyn peıilmen qurmetimizdi kórsetip,
«Smart Student» oıynyna kep turǵan
Saıyskerlerdi shaqyraıyq ortaǵa.
Aldaryńyzda óz bilimimen, aqyl - oıymen, erýdısıasymen erekshelengen bilimdi oqýshylar óz baqtaryn synamaq. Alǵashqy toppen tanys bolyńyzdar __________________________, ekinshi oıynǵa qatysýshy top __________________________ Olaı bolsa, «Smart Student» bilimdilik saıysyn bastaýǵa ruqsat etińizder. Endeshe kezek oqýshylarǵa berilsin. Ár qatysýshy ózderin tanystyryp ótsin.

1 - júrgizýshi: Búgingi aýksıonymyzda saýda «teńge» atty aqsha birligimen júrgiziledi. Ázirshe ár toptyń qorynda 50 teńgeden bar. Bul bastapqy kapıtal. Óz kapıtaldaryńyzdy kóbeıtý - óz qoldaryńyzda.

İ týrymyz «Bilim aýksıony». İ týrdyń shartymen tanystyryp óteıin. Qazir sizderge ınformatıka salasyna óz úlesterin qosqan ǵalymdar týraly, kompúterdiń damý tarıhy, ınformatıka teorıasy jáne ádistemesinen 6 suraq qoıylady. Suraqtyń bastapqy baǵasy – 10 teńge. Top kapıtany baǵany 10 teńgeden joǵarylata alady. Eń joǵary baǵa usynǵan soń suraq oqylady. Eger durys jaýap aıtylsa - baǵa quny sol topqa beriledi, al qate jaýap aıtylsa, onda top óz kapıtalynan sol aqshany qaıtarady.
Eskertý: eger qatysýshy qorynda barlyq somaǵa suraq satyp alyp qatelesse, onda ol bankrot. Ókinishke oraı ol adam aýksıonǵa qatysa almaıdy.
Sonymen, «Bilim - biliktilikke jetkizer baspaldaq, al biliktilik – sol bilimdi iske asyra bilý daǵdysy», - degen uly ustaz Ahmet Baıtursynovtyń sózderine súıenip, «Bilim aýksıony» degen týrdy bastaıyq.
Aýksıonǵa № 1 lot – Informatıka salasyna óz úlesterin qosqan ǵalym jaıly suraq bolmaq. Saýdany bastaımyz. Bastapqy baǵa 10 teńge. Qaı qatysýshy joǵary baǵa beredi? Qatysýshy bir, qatysýshy eki. Satyldy. Durys jaýap bergen jaǵdaıda qatysýshy óz qoryna... teńge qosady.
Suraǵy: Kompúterdiń atasy kim? Jaýaby: (Charblz Bebbıdj)
2 - júrgizýshi: № 2 lot. Kompúterdiń damý tarıhynan. Saýdany bastaımyz. Bastapqy baǵa 10 teńge. Qaı qatysýshy joǵary baǵa beredi? Qatysýshy bir, qatysýshy eki. Satyldy. Durys jaýap bergen jaǵdaıda qatysýshy óz qoryna... teńge qosady.
Suraǵy: Bul sanaý qurylǵylaryn grekter men Batys Eýropalyqtar «abak» dep, qytaılyqtar «sýanpan» dep ataǵan, al japondyqtar ne dep ataǵan? Jaýaby: (soroban)

1 - júrgizýshi: № 3 lot. Informatıka teorıasy men ádistemesinen. Saýdany bastaımyz. Bastapqy baǵa 10 teńge. Qaı qatysýshy joǵary baǵa beredi? Qatysýshy bir, qatysýshy eki. Satyldy.
Suraǵy: Dúnıe júzi boıynsha alǵashqy 1846 jyly Bebbıdj mashınasyna baǵdarlama jazǵan bul ǵalym – birinshi áıel programmıst. Bul áıel ataqty Baıronnyń qyzy. Jaýaby: (Ada Lavleıs)

2 - júrgizýshi: № 4 lot. Informatıka salasyna óz úlesterin qosqan ǵalymdar. Saýdany bastaımyz. Bastapqy baǵa 10 teńge. Qaı qatysýshy joǵary baǵa beredi? Qatysýshy bir, qatysýshy eki. Satyldy.
Suraǵy: 19 jasynda dúnıe júzinde birinshi ret qosý mashınasyn jasap shyǵarǵan ǵalym. Jaýaby: (Blez Paskal)

1 - júrgizýshi: № 5 lot. Kompúterdiń damý tarıhynan. Saýdany bastaımyz. Bastapqy baǵa 10 teńge. Qaı qatysýshy joǵary baǵa beredi? Qatysýshy bir, qatysýshy eki. Satyldy.
Suraǵy: 1694 jyly nemis matematıgi Leıbnıs qandaı mashına qurastyrdy? Jaýaby: (arıfmometr)

2 - júrgizýshi: № 6 lot. Informatıka teorıasy jáne ádistemesinen. Saýdany bastaımyz. Bastapqy baǵa 10 teńge. Qaı qatysýshy joǵary baǵa beredi? Qatysýshy bir, qatysýshy eki. Satyldy.
Suraǵy: 1890 jyly halyq sanaǵynyń nátıjelerin óńdeýdi jyldamdatý úshin amerıkandyq German Holerıt bul zatty oılap tapty. 1924 jyly Holerıttiń elektromehanıkalyq mashınasyn jasaıtyn kásiporynnyń negizinde IBM fırmasy quryldy. 1890 jyly German Holerıt qandaı qurylǵy oılap tapty? Jaýaby: (tabýlátor)

Tolyq nusqasyn júkteý