InfoHub Logo

Sabaqtyń taqyryby: Esimdikterden ótkendi qaıtalaý
Sabaqtyń maqsaty:
Bilimdilik: Esimdik týraly alǵan teorıalyq bilimderin praktıkada qoldaný;
aýyzsha, jazbasha taldaý jumystaryn júrgize otyryp, bilimderin bekitý.
Damytýshylyq: oılaý qabiletterin, qıaldaryn damytý; oı qorytyp, naqty sheshim jasaýǵa úıretip, ózderine senimderin arttyrý.
Tárbıelilik: saýatty jazýǵa, uqyptylyqqa baýlý; toppen jumys jasap, bir-birin tyńdaı bilýge úıretý, sóıleý mádenıetterin qalyptastyrý.
Sabaqtyń túri: dástúrli sabaq
Oqytýdyń ádisi: jınaqtaý, taldaý, syn turǵysyn oılaý, satylaı keshendi taldaý, test, t. b.
Pánaralyq baılanys: ádebıet, matematıka, orys tili, aǵylshyn, nemis tili, bıologıa.
Sabaqtyń kórnekiligi: esimdiktiń jasalý jolyna arnalǵan kesteler, ashyq
formaly test, sózjumbaq, beınefılm, kompúter, baǵalaý paraqshalary, t. b.

Sabaqtyń barysy:
İ. Uıymdastyrý kezeńi: a) sálemdesý, á) túgeldeý; b) synypty sabaqqa daıarlaý.
(Top jetekshilerine baǵalaý paraqtaryn taratamyn)

İİ. Úı tapsyrmasyn tekserý
a) Qyzyǵýshylyǵyn oıatý
Matematıkalyq oıyn «Ǵajaıyp alań»
Tańbalary ár túrli sandarǵa amaldar qoldaný arqyly myna esepterdi shyǵaryp, tómendegi uıashyqtardaǵy jasyryn sózdi tabaıyq.
İ top --------------------------------------- İİ top ------------------------------- İİİ top
11, 5+(- 2, 5)=9 ---------------------- - 12, 5h(- 2)=25 ------------------- - 10, 2+12, 2=2
20, 2h2+(- 3, 4)=37 ------------------ - 153:(- 3)=51 --------------------- - 44h(- 2): 8=11

Jeńimpazǵa:
99: (- 9) h(- 3)=33
á) Jumbaq suraqtar «Bul qaı esimdikter?»
1. Etikshi aspabynyń birimen uqsas esimdik esimdiktiń qaı túri? (Biz – jikteý esimdigi)
2. Basqanyń bárin ózi suraıdy, ózinen eshkim suramaıdy. (Suraý esimdikteri)
3. Jaqtas jalǵaýǵa jiktele qoıady, jaqtas emesine jolamaı qoıady. (Men, sen)
4. Kópshil jáne kóńilshek
Eshtemeni bólip jarmaıdy
Kóptik uǵym berip
Kópshilikti qarmaıdy (Jalpylaý esimdikteri)
1. Quramyndaǵy sózdiń kóbin kórshisinen surap alypty. Aldyna bir býyn qosypty da, esimdiktiń bir túri bop tura qalypty. (Bolymsyzdyq esimdikteri)

Jańa sabaq.
a) Sózjumbaq «Bul da qyzyq».
Tapsyrma. Esimdik degen sózdiń quramynda qansha dybys bolsa, esimdikterdiń túrleri de sonsha. Endi sizder tapsyrmany oryndadyńyzdar. Shaqpaqqa mynalardy jazsańyzdar, erekshe tordaǵy sózdi oqısyzdar.

1. Silteý esimdigi.
2. Suraý esimdigi.
3. Ózdik esimdigi(I jaq kópshe túri, táýeldenip tur)
4. Belgisizdik esimdigi.
5. jalpylaý esimdigi
(Erejesin birden surap otyramyn)
á) Satylaı keshendi taldaý.
Bul jerde eshkim syrymdy bilmeıdi.

Búkil aýyl Qazynyń tórt qanat kıiz úıine jınaldy
Bul ----------------- Eshkim ----------------------- Búkil
negizgi ----------------- negizgi ----------------------- negizgi
dara --------------------- kúrdeli ---------------------- dara
esimdik -------------------- esimdik --------------------- esimdik
silteý ------------------------- bolymsyzdyq ----------- jalpylaý
suraǵy: qaı ------------------- suraǵy: kim ---------------- suraǵy: qaı
anyqtaýysh ---------------------- bastaýysh ------------------- anyqtaýysh

b) Mátinmen jumys (Akýla jaıly beıne fılm qoıylady)
116 - jattyǵý. Akýla.
Mátindegi esimdikterdi maǵynasyna, suraǵyna, tulǵasyna qaraı jazbasha taldatamyn.
V) Polıglot (asty syzylǵan sózderdi orys, aǵylshyn, nemis tilderine aýdarý kerek)

İ top
Tarıh qana, halyq qana týatyn
Alyptardyń arqa tutpas kim atyn?
Uly armanyn jyrlaý úshin qazaqqa
Kerek boldy Abaı syndy uly aqyn!
(Jarasqan Ábdirashev)

İİ top
Ózińe sen, ózińdi alyp shyǵar,
Eńbegiń men aqylyń eki jaqtap.
(Abaı)

İİİ top
Árkimdi adam súıremek,
Zamandy qaı jan bılemek?
Zamanǵa jaman kúılemek,
Zamany ony ılemek.

Bekitý
A) Kórý dıktanty. (Jatqa jazyp, esimdikterdi taldaý)
Basqa jurt balalary oqý qýǵan,
Bilimmen óz jurtynyń betin jýǵan.
İship - jep júrse eger jaıǵan maldaı,
Adamzat jer júzine ne úshin týǵan?!

á) Test (kompúter arqyly kórsetiledi)
Ashyq formaly test
Nusqaý: tolyqtyryńdar
1. Úlkendi sen syılasań,
Kishi...(seni) syılaıdy.
2. Jamannyń...(ózi) bola almaıdy,
Bolǵandy kóre almaıdy.
3. Balapan uıada...(ne) kórse,
Ushqanda sony iledi.
4. Ne ekseń,...(sony) orarsyń.
5. Bireý toıyp sekiredi,
...(Bireý) tońyp sekiredi.

Qorytyndy
A) Bekitý (Dástúrli suraǵymyz)
- Eki kóz ne úshin kerek?
- Jaqsylardy kórý úshin.
- Eki qolyń ne úshin kerek?
- Elge kómek berý úshin kerek.
- Qulaq degen ne úshin kerek?
- Aqyl - keńes tyńdaý úshin
- Til men jaǵyń ne úshin kerek?
- Aqıqatty aıtý úshin.
- Al aıaǵyń she?
- Shette júrsem, týǵan jerge qaıtý úshin.
- Al esimdik ne úshin qajet?
- Iá, týǵan jerge jetý úshin eki aıaǵyń qandaı qajet bolsa, qazaq tiliniń dárejesi joǵary bolýyna esimdik syndy sóz tabynyń qosar úlesi zor. Júıeli oılaý men oı - óris keńistiginiń keńeıýine esimdik te úlken yqpal etedi.

á) Klaster men nemese toptastyrý ádisi
Sonymen, esimdik jaıly bildik?
ESİMDİK
↓
.......

B) Baǵalaý (Baǵalaý paraqshalaryn jınap alamyn)

Úıge tapsyrma
İ top - Oı tolǵaý. «Dostyq - tatýlyq belgisi»
İİ top - Syr tolǵaý. «Aýylym - altyn besigim»
İİİ top - Jyr tolǵaý. «Urpaǵy ardaq tutyp, bas ıedi rýhyna»

(Jeńiske - 65 jyl)
(Shaǵyn shyǵarma, óleń, oı tolǵaý jazý. Esimdikterdi taýyp, taldap kelińizder).
V) Meniń alǵan áserim.
(Sabaqtan alǵan áserlerin oqýshylar aldaryndaǵy paraqshalarǵa túsiredi. Sońynan jınap alamyn)