InfoHub Logo

Estafeta túrindegi oıyn
Sabaqtyń maqsaty: Oqýshylardyń óz betinshe dene shynyqtyrý jattyǵýlarymen aınalysýyn daǵdylandyrý, sporttyń jeńil túrinen aýyr túrine qaraı aýysýdy kúrdelendirý, qımyl-qozǵalysyn arttyrý jattyǵýlary: balalardyń kúshti, tózimdi, epti, dene bitimi túzý ári ádemi bolyp ósýlerine baǵyt berý, jattyǵýlardyń durys jasalýyn qadaǵalaý.

Sabaqtyń barysy:
Daıyndyq bólimi: Jalpy qozǵalys jattyǵýlary, deneni qyzdyrý.
a) Júris, aıaqtyń ushymen, ókshemen, tabannyń ishki qyrymen jáne syrtqy qyrymen.
b) Jaı júris. Sporttyq júris.

Júgirý jattyǵýlary.
a) Oń ıyqpen jáne sol ıyqpen tirkeme adym aıqastyra júgirý, artpen júgirý.
b) Tizeni kótere júgirý, tizeni shapalaqtap júgirý.
v) Elikshe sekirý.

Jalpy damytý jattyǵýlary.
a) Qalypqa kelý jattyǵýlary.
b) Tamyr soǵysyn qadaǵalaý.
Klasty teńdeı eki komandaǵa bólip, komanda kapıtandaryn saılaý. Oıyn túrimen tanystyryp, eki komandany sapqa turǵyzý.

Oıyn túri: dopty berý jáne tosý jattyǵýy.
Negizgi bólim.
1.«Dopty ber de otyr» oıyny.
Belgilengen syzyqtan aspaı dopty kóterip berý, keýdeden nemese bastan asyra laqtyrý. Dopty tosyp laqtyryp otyra qalý, kelesi bala tosyp alyp, dopty qaıta laqtyrýǵa daǵdylanady.
Dopty týra laqtyrý. Jaqyn jerden keýdeden alystaǵan saıyn bastan asyra laqtyrý qajet. Bul ádispen dopty tosyp jáne berý jattyǵýlaryn arttyrý shart.
Oıyn sharttary: Laqtyrylǵan dopty tosa almaǵan jaǵdaıda qaıta alyp kelip oıynǵa qosý. Syzyqtan aspaý. Sońǵy bala dopty alyp júgire oryn aýystyrý.
Dopty kedergiden alyp júrý. Doppen júrý jattyǵýlary. Bir qolmen dopty ura júgirý jattyǵýy.

Qorytyndy bólim.
Sapqa turǵyzý. Boı jazý jattyǵýlary: jaı júrispen júrý.
Aıaq – qolǵa, bulshyq etterine arnalǵan jattyǵýlar, qalypqa kelý jattyǵýlary.
Baǵalaý.
Úı tapsyrmasy. Dopty uryp, tosý jattyǵýlary. Tamyr soǵysyn tekserý (qalypqa kelý).