InfoHub Logo

Óz kásibińniń sheberi bol!

Ustaz bolý – júrektiń batyrlyǵy,
Ustaz bolý – sezimniń aqyndyǵy,
Ustaz bolý – minezdiń kún shýaǵy,
Azbaıtuǵyn adamnyń altyndyǵy –
Ǵ. Qaıyrbekov

Maqsaty: Muǵalimderdiń sheberligin qalyptastyrý. Oqshylarmen qarym - qatynastaryn qalyptastyrýǵa beıimdeý. Muǵalim boıynda balaǵa degen jaǵymdy – emosıanaldy qatynasyn damytý, qıyn balalarmen qarym - qatynasta tájirıbe almasýǵa beıimdeý.
Trenıńtiń jospary
1. «Kásiptik gerb» jattyǵýy.
2. “Báribir de sen jaqsysyń, óıtkeni...” jattyǵýy.
3. “Emosıa”jattyǵýy.
4. “Keıpin tap” jattyǵýy.
5. “Jest tańdaý” jattyǵýy.
6. “Meniń eń qıyn oqýshym” jattyǵýy.
7. “Kezdeskenshe” jattyǵýy
8. Qorytyndy.

1. «Kásiptik gerb» jattyǵýy.
- Biz bárimiz de pedagogtarmyz. Men sizderge óz jeke kásibı gerbterińizdi jasaýdy usynamyn. Onyń sıpatyn, formasyn, qandaı bolýy kerek ekendigin árkim ár túrli paıymdaıdy. Men bárińizge bir - bir vatman paraǵyn, túrli tústi qaryndashtar úlestiremin. Sizder soǵan kásiptik gerb kontýryn beınelep alyp, sosyn onyń ishin mazmundy beınelermen tolyqtyrasyzdar. Bul úshin kásibı qyzmettiń birqatar mańyzdy tustaryna kóńil aýdarý kerek:
- Qatysýshy óziniń kásibı qyzmetinde neǵurlym mańyzdy dep esepteıtin jetistik nemese oqıǵa;
- Sizdi baqytty etýge oqýshylaryńyz paıdalana alarlyqtaı nárseler nemese bilim aıasy;
- Sizdiń pedagogıkalyq qyzmette kómektesetin nemese kómektese alatyn jeke tulǵalyq qasıetterińiz.
Taldaý:
• Gerbtegi beıneler onyń ıesi týraly ne aıta alady?
• Sýretter nege osynshama árkelki bolyp shyqqan?
• Qaı gerbtegi qandaı beınelerdi ózgertip, túzeter edińiz, nege?
• Eń jaqsysy qaısysy jáne ol nesimen jaqsy?
2. «Báribir de sen jaqsysyń, óıtkeni...» jattyǵýy.
Oıynnyń sharty: Eki topqa bólinip, birinshi top“ Oqýshy meni jaqsy kórmeıdi, sebebi...” – dep áńgime bastaıdy. Ekinshisi tyńdap bolyp “Báribir de sen jaqsysyń, óıtkeni..." - dep jalǵastyrady.
Taldaý:
• Siz seriktesińizdiń áńgimesine túgeldeı laıyqty jaýap áreket jasaı aldyńyz ba?
• Jaýap áreket jasaý qıyn bolǵan joq pa, bolsa ne nársege baılanysty edi?
• Qoldaý tapqan kezińizde qandaı sezimde boldyńyz?
3. “Emosıa”jattyǵýy.
Maqsaty: Muǵalim boıynda artısızm, emosıonaldylyq, ıilgishtik,
oqýshylarmen qarym - qatynasta obrazdyq pen tirlik tehnıkalaryn damytý.
Sharty: Top jarty sheńber bolyp otyrady jáne ústelden qıma
qaǵazdaǵy tapsyrmany ortada oryndaıdy. Tapsyrmany bet - álpet qımyly, pozasy, is - áreketi, jesti jáne keıbir neıtraldi frazalardy qoldanýy, ózi oılanǵan emosıa kúılerdiń bireýin topqa jasyrýǵa bolady, top músheleri ony tabýy qajet.
Taldaý:
• Tapsyrma qıyndyq keltirdi me?
• Bireýdiń emosıasyn salý ońaı boldy ma?
• Daýys ıntonasıasyn salýda qandaı kúıde boldyń?
• Osy emosıalardyń qaısysy keri áser berdi?

4. “Keıpin tap” jattyǵýy.
Maqsaty: Oqýshylarǵa jańa oqý materıalyn túsindirýdiń effektıvti amaldaryn uıymdastyrýda muǵalimniń obrazdy tilin qalyptastyrý.
Sharty: Top sheńber quryp otyrady. Ár qatysýshylar kez kelgen oqý materıaldarynyń tematıkalyq birligine anyqtama berýdi usynady. Mysaly, myna taqyryptarǵa obrazdy uǵyndyrý qajet:«Teńdeý», «Kólem», «Septik», jáne t. s. s. Tańdalǵan taqyryp boıynsha árbir muǵalim túsindirme beredi. Muǵalimder sheńber boıynsha jaýap beredi. Aldynda aıtylǵan qatysýshynyń materıalyn qaıtalaýǵa ruqsat etilmeıdi.
Taldaý:
• Jańa materıaldy túsindirýdi qalaı baǵalaısyń?
• Obrazdy oryndaýda qandaı kúıde boldyń?
• Top aldynda sóıleý ońaı boldy ma?
• Jattyǵý nesimen unady?

5. “Jest tańdaý” jattyǵýy.
Maqsaty: Árbir top múshesi úshin jest júıesiniń mánerin qalyptastyrý.
Sharty: Muǵalimder sheńber quryp otyrady. Árbir qatysýshyǵa tapsyrma beriledi, 3 - 5 mınýt ishinde óz tájirıbesinde bolǵan bir qyzyqty, sodan keıin bir qıyn oqıǵany esterine túsirip baıandap berý. Bul jerge áńgimeni baıandaýdaǵy mánerlilik pen qyzyqtyrý sharty qoıylady. Áńgimeleýde bet álpet, poza, jest,
t. s. s syrtqy plasıka amaldaryn qoldaný usynylady.
Taldaý:
• Qaı oqıǵany baıandaý ońaı boldy?
• Qaı oqıǵany baıandaý qıyn boldy?
• Jattyǵý nesimen unady?

6. “Meniń eń qıyn oqýshym” jattyǵýy.
Maqsaty: Muǵalim boıynda balaǵa degen jaǵymdy – emosıanaldy qatynasyn damytý, qıyn balalarmen qarym - qatynasta tájirıbe almasý.
Sharty: Top múshelerin sheńber boıymen ózderiniń tájirıbesinde kezdesken bir qıyn oqýshy jaıly onyń túr álpetin, ózin sabaqta qalaı ustaıtyndyǵy, onyń úlgerimi, soǵan baılanysty qandaı qıyn sıtýasıalar bolǵan jáne t. s. s.
jaıttardy baıandap berý tapsyrylady.
Taldaý:
- Jattyǵýdy oryndaý qıyn boldy ma?
- Qıyn oqýshynyń emosıasyn salýda qandaı oıda boldyń?
- Qıyndyq keltirgen jaǵdaıyń?

7. “Kezdeskenshe” jattyǵýy
Sharty: Barlyǵymyz sheńber quryp turamyz.
- Meniń qolymda kishkentaı ǵana sıqyrly kún taıaqshasy tur. Ol sizderge jylý, qýanysh, tabys, baqyt, súıispenshilik syılaıdy. Sizder ony bir - birlerińizge berip, trenıńten alǵan áserlerińiz, pikirlerińiz týraly bildirip, osymen birge áriptesterińizdiń atyna óz tilegińizdi joldańyz.
8. Qorytyndy.
USTAZ DEGEN...

Ustaz... jaratylysynan ózine aıtylǵannyń bárin jete túsingen, kórgen, estigen jáne ańǵarǵan nárselerdiń bárin jadynda jaqsy saqtaıtyn,
eshnárseni umytpaıtyn... alǵyr da ańǵarympaz aqyl ıesi..., meılinshe sheshen, óner - bilimge qushtar, asa qanaǵatshyl jany asqaq jáne ar - namysyn ardaqtaıtyn, jaqyndaryna da, jat adamdaryna da ádil..., jurttyń bárine... jaqsylyq pen izgilik kórsetip... qorqynysh pen jasqaný degendi bilmeıtin batyl, erjúrek bolýy kerek. (Ál – Farabı)

Muǵalim óziniń bilimdiligimen, júris - turysymen, jaıdary minezimen, tipti
syrt pishini, kıgen kıimimen de oqýshysyna jaqsy maǵynada qatty áser etedi. (Málik Ǵabdýllın)

Osy ǵulamalar aıtqandaı, óz kásibińizdiń sheberi bolýyńyzǵa tilektespiz, jas mamandar!