InfoHub Logo

Myna 10 azyqty rasıonǵa qosa otyryp, ózińizdiń este saqtaý, zeıin salý jáne oı jınaqtaý qabiletińizdi jaqsartyńyz!

Mıyńyzdyń jaqsy jumys isteýi úshin ne jesem eken dep oılanasyz ba? Myna taǵamdar densaýlyǵyńyzdy nyǵaıtyp qana qoımaı, aqparatty áldeqaıda tezirek uǵynýǵa kómektesedi.

Paıdaly maı qyshqyldary men mıkroelementterdiń arqasynda, mundaı tamaq – mıǵa arnalǵan energıanyń taptyrmaıtyn kózi. Myna 10 taǵamdy rasıonyńyzǵa mindetti túrde qosyńyz, sonda siz ózińizdiń este saqtaý jáne oı jınaqtaý qabiletińizdiń qalaı jaqsaratynyn kóresiz. Taǵamǵa kóp nárse baılanysty...

Mıdyń jumys isteýine arnalǵan azyq-túlikter

Asqabaq dánderi
Asqabaq dánderiniń quramynda myrysh bar, belsendi aqyl-oı qyzmetin jyldamdatýǵa jáne este saqtaý qabiletin jaqsartýǵa kómektesedi.

Grek jańǵaqtary
Basqa jańǵaqtarmen salystyrǵanda, grek jańǵaqtarynyń quramynda óte kóp mólsherde E dárýmeni bolady. E dárýmeni mıdy, qartaıýmen birge keletin búldirgish prosester men aýrýlardan saqtaıdy.

Qyzanaqtar
Qyzanaq jeý arqyly Alsgeımer aýrýyna shaldyǵý qaýpin tómendetýge bolady. Qyzanaqtar lıkopınge – aktıoksıdantqa baı, ol aǵzaǵa bos radıkaldarmen kúresýge kómektesedi.

Kakao
Qara shokolad tek tátti ǵana emes. Kakao adamnyń kognıtıvti múmkindikterin arttyrady jáne júrektiń jumysyna jaqsy áserin beredi. Júrek-qan tamyrlar júıesi qanshalyqty jaqsy jumys istese, mı qan aınalymy arqyly sonshalyqty paıdaly zattar ala otyryp, qanyǵady.

Maıly balyq
Qyzyl balyq, skýmbrıa, týnes, makrel, sardınder – osy balyqtardy sırek bolsa da, jep turý kerek. Omega-3 qanyqqan maı osy balyqtarda óte kóp mólsherde bar, onyń mıǵa qanshalyqty paıdaly ekenin burynnan bilemiz.

Bútin dánderden jasalǵan ónimder

Bútin dándi azyqtar sizge qandaǵy qant teńgerimin bir deńgeıde ustaýǵa kómektesedi. Bul sizdiń mıyńyzdy qunarly zattardyń jetispeýshiligi qaterinen saqtaıdy – bútin dánderden jasalǵan ónimder áseri uzaqqa sozylatyn qýatty energetıkalyq resýrs bolyp tabylady. 

Brokkolı
K dárýmeni – bul qyryqqabatta kezdesetin dárýmen. Ol adamǵa belsendi aqyl-oı prosesteri úshin qajet.

Kók sháı
Katehın men tıanın – kók sháı quramyna kiretin antıoksıdanttar. Bul zattar mı qyzmetin yntalandyrady, oı shoǵyrlandyrýdy jaqsartady, adamnyń sergek bolýyna múmkindik beredi.

Qara qaraqat
Qara qaraqattyń quramynda S dárýmeni bar. Bul dárýmen búkil aǵzany áldendiredi jáne mıda jańa neırondyq baılanystardyń túzilýine kómektesedi. Eger siz shylym shegetin bolsańyz, mindetti túrde ózińizdiń as mázirińizge S dárýmeniniń qosymsha kózderin qosyńyz, óıtkeni shylym shekken kezińizde ol aıaýsyz búlinedi.

Baıaldy (baklajan)
Kimniń oıyna keler deısiń, alaıda baıaldy da bul tizimde bar! Bul baıaldyda óte kóp bolatyn antosıanınderdiń – antıoksıdanttardyń arqasynda. Olar sizdi sklerozdyń mezgilsiz óris alýynan saqtaıdy.

Tipti egde jasta da aqyl-oıyńyzdyń aıqyndyǵyn saqtaý úshin, ózińizdiń taǵamdaryńyzdy qazirden ózgertińiz! Nátıje baıqala bastaǵan kezde, ózińiz de tańǵalasyz – mıyńyz áldeqaıda jaqsy jumys jasaı bastaıdy.

Bul taǵamdardyń mıǵa beretin energıasy sizdi ózgertedi – oılar kóbirek bolady, jyldam oılaıtyn bolasyz, tez oıanasyz jáne kúni boıy ózińizdiń sergektigińizdi saqtaısyz. Este saqtaýyńyz jaqsarady, tyń oılar óte ońaı keletin bolady! Mine, osynyń bári jeıtin azyǵymyzdy baqylaýǵa alýǵa turarlyq emes pe?

---