InfoHub Logo

Sabaq taqyryby:Etistik
Sabaq maqsaty: Etistik týraly berilgen uǵymdy keńeıtý. Etistiktiń ózge sózdermen baılanysyn taba bilýge úıretý. Baılanystyryp sóıleý daǵdylaryn jetildirý.
Damytýshylyǵy: Shyǵarmashylyq qabiletterin, óz oıyn jetkize bilý, dáleldeı bilý qabiletterin damytý.
Tárbıeligi:Oqýshylardy adamgershilikke tárbıeleý. Tabıǵatty qorǵaýǵa, aıalaýǵa tárbıeleý. Eńbeksúıgishtikke baýlý.
Ádisi:Suraq - jaýap, túsindirý, satylaı keshendi taldaý strategıasy.
Kórnekiligi:Slaıd, tort túlik sýretteri, trekshema.

Sabaqtyń barysy:
I. Uıymdastyrý
Psıhologıalyq daıyndyq
Maqsatymyz - bilim alý
Mindetimiz - eńbek etý
Eńbektený arqyly
«5»- ke qoldy jetkizý.
- Barlyq oqý quraldarymyz túgel me?
- Qazir qaı sabaq?

II1. Úı tapsyrmasyn tekserý
- Qandaı tapsyrma berildi?
- Táýeldik jalǵaýy jalǵanǵan sózderdi taba ǵoı.
(dápter almastyramyn)

2. Ótken taqyryptardy pysyqtaý
- Zat esim týraly ne bilemiz?
Zat esim týraly bilimderin ereje suraý, mysaldar keltirý arqyly tekserý

Suraqtar.
1. Zat esim degen ne?
2. Onyń qandaı túrleri bar?
3. Negizgi zat esim degen ne?
3. Týyndy zat esim degen ne?
4. Jalqy jáne jalpy esim degen ne?
5. Zat esimniń táýeldik jalǵaýy degendi qalaı túsinesiń?
3.«Túsin meni» oıyny
Ár qatardan bir oqýshy shyǵyp kartochkadaǵy sózdi qımylmen kórsetý kerek. Qalǵan oqýshylar qandaı sóz ekenin tabý kerek.

Kartochkadaǵy sózder
Oqıdy Ushady Júzedi
júgiredi otyrady aýlaıdy

- Balalar, bul sózder qandaı suraqqa jaýap beredi?
- Ol qaı sóz tabynyń suraǵy dep oılaısyńdar?
(Etistiktiń erejesin qaıtalap, eske túsirý)

III. Jańa sabaq.
Dápterge kúnniń jadyn jazý, taqyrypty jazý.
1. Oqýlyqpen jumys
1 - jattyǵý(aýyzsha)
Sýretpen jumys
- Ne kórip otyrsyńdar? Bul sýretter boıynsha ne aıtýǵa bolady?
- Oqýshylar ne istedi?
- Bala ne istedi?(etistikterdi tabý)
Sóılemdi oqý
Ánýar balyqtarǵa jem shashty.(etistik tabý)
- Bul sýretter boıynsha quraǵan áńgimemizge qandaı at qoıýǵa bolady?
- Balalar ne istedi?
- Kimniń úıinde akvarıým bar? Totyqus bar? Olarǵa qandaı kómek kórsetesiń?
- Jaqynda bizdiń mektebimiz de «Tabıǵatpen úndes»saıysyna túsip, 1 - shi oryndy ıelendi. Oǵan da bizder úles qosqan bolatynbyz. Qandaı úles qostyq eske túsireıikshi.
- Qamqorlyq jasaý, kómek kórsetý, jáshik jasaý bir sózben qalaı aıtamyz?
- Eńbek týraly qandaı maqal - mátelder bilemiz?
2 - jattyǵý
Jumbaqty oqý, sheshýin tabý, etistikterdi terip jazyp, suraq qoıý, sóılemdi etistiksiz aıtyp kórý.
- Etistik ne úshin kerek eken?
Kól betinde qalqıdy,
Maqta syndy úıilgen.
Úni ásem san qıly,
Moıny da ásem ıilgen.
Mamyǵyn ol taraıdy,
Mańǵazdana qaraıdy. (Aqqý)
Suraqtar
- Aqqý degen ne?
- Ol týraly ne bilesińder?
- Taǵy qandaı qustardy bilesińder?
- Olardyń paıdasy qandaı?
- Aqqý týraly, jalpy qus týraly qandaı maqal - mátel bilesińder?
3 - jattyǵý(aýyzsha taqtada oryndaý)
Sózderdi sıpatyna qaraı eki baǵanǵa bólip jazý
Zat esim --------- Etistik
Ata --------------- oınady
ini ---------------- jınady
balyq ---------- qýdy
túıe ------------- jarysty
shortan --------- aıtty
- Balalar, bul sózderdiń ishinde týystyqty bildiretin sózder bar ma? Qaısylar?
- Taǵy qandaı týystyqty bildiretin sózderdi bilesińder?
- Týystyqqa baılanysty qandaı maqal - mátelder bilesińder?
4 - jattyǵý(ózindik jumys)
Qondy, ushty, jaýdy, sekirdi, tasydy.
Sózderine sóılem qurastyrý. Oqýshylarǵa oqytý, etistikterdi tabý.
Sandy maqaldardy oqý
Bilekti 1 di jyǵady,
Bilimdi 1000 dy jyǵady.

1 ligi joq el tozady,
1 ligi kúshti el ozady.

6 aý ala bolsa aýyzdaǵy ketedi,
4 eý túgel bolsa tóbedegi keledi

Maǵynasyn túsindirý,. etistikterdi tabý.
5 - jattyǵý
Sýretpen jumys
Maldardyń qaısysy qalaı tóldeıtinin jazý.
Jylqy qulyndaıdy. Túıe botalaıdy. Sıyr buzaýlaıdy. Qoı qozdaıdy. Eshki laqtaıdy.
- Bul aıtylǵandar nege jatady?
- Tórt túlik týraly ne bilemiz?
- Olardyń paıdasy qandaı?
- Halyq uǵymynda ár maldyń piri, kıesi bar degen. Olar týraly ne bilesińder?
- Al endi balalar, olar qalaı dybystaıdy eken? Ony kelesi jattyǵýdan bilemiz.
6 - jattyǵý(aýyzsha)
Qaısysy durys, qaısysy burys?
Bıe kisineıdi --------------------- It úredi
Túıe bozdaıdy ------------------ Taýyq qyt-qyttaıdy
Qoı mańyraıdy ---------------- Mysyq mıaýlaıdy
Sıyr móńireıdi ----------------- Shoshqa qorsyldaıdy
Eshki baqyrady ------------------ Esek aqyrady

Etistikterdi tabý, suraq qoıý.

Kartochkamen jumys. Deńgeılik tapsyrmalar
1. Baqyrdy, móńirep tur sózderine satylaı keshendi taldaý jasatý.
2. Nashar oqýshylarmen kartochkamen jumys júrgizý.

- Balalar, bul janýarlar qandaı janýarlarǵa jatady?
- Janýarlardyń qaı tobyna jatady?
- Janýarlar qandaı tabıǵatqa jatady?
- Tiri tabıǵatqa taǵy qaısylar jatady?
- Balalar, tabıǵat degen ne ózi?
(Oqýshylardyń jaýabyn tyńdaý)
- Tabıǵatqa baılanysty qandaı maqal - mátel bilesińder?
- Olaı bolsa, taqtaǵa nazar aýdaraıyq.
Tabıǵatqa baılanysty sýret boıynsha 1 - shi qatarǵa áńgime quratý, 2 - shi qatarǵa maqal - mátel quratý, 3 - shi qatarǵa óleń quratý. Etistikterdi tapqyzý
- Jaraısyńdar. Sonymen tabıǵatty ne isteýimiz kerek eken?
- Tabıǵatty aıalaý búkil adamzattyń mindeti. Tabıǵat baılyqtaryn qorǵaý azamattyq borysh eken. Oǵan sender de úles qosa alasyńdar. Qandaı úles qosa alamyz dep oılaısyńdar?

IV. Sabaqty qorytý
- Balalar búgingi sabaqta qandaı jumystar atqardyq?
- Qaı sóz taby jaıynda sóz qozǵadyq?
- Búgingi sabaqtan qandaı tárbıe aldyq dep oılaısyńdar?
Jaraısyńdar, olaı bolsa eńbekteriń baǵalanady
Úı jumysy. Túlikterdiń paıdasy jaıynda qysqasha áńgime jazý