Eýrazıa ýnıversıteti 3 jańa mamandyq boıynsha magıstrlerdi daıyndaýǵa kiristi
Astanadaǵy L.N.Gýmılev atyndaǵy Eýrazıa Ulttyq ýnıversıteti ındýstrıaldyq-ınnovasıalyq damý memlekettik baǵdarlamasy aıasynda bıyl 3 jańa «Bıotehnologıa», «Radıotehnıka, elektronıka jáne telekomýnıkasıa», «Jylý energetıkasy» mamandyqtary boıynsha magıstrlerdi daıyndaýǵa kiristi.
Buǵan deıin joǵarǵy oqý orny «Qurylys materıaldary, buıymdar men konstrýksıalary óndirisi», «Ǵaryshtyq tehnıka jáne tehnologıalar» mamandyqtary boıynsha maman daıyndaýdy qolǵa alǵan bolatyn. Bul týraly búgin el jurtshylyǵy, qoǵam jáne BAQ ókilderi, ýnıversıtet ujymy men stýdentteri aldynda esep bergen L.N.Gýmılev atyndaǵy EUÝ rektory Erlan Sydyqov málim etti.
Qazir osy jańa mamandyqtardy sapaly daıyndaýǵa múmkindik beretin jalpy somasy 449 104 myń teńge bolatyn «Qurylys materıaldary men buıymdary zerthanasy», «Shaǵyn ǵaryshtyq apparattar zerthanasy» quryldy. Olar biregeı qurylǵylarmen jabdyqtalǵan. Muny fızıka, nanotehnologıa, fızıkalyq jáne saraptamalyq hımıa, bıotehnologıa sıaqty pánaralyq salalarda qoldanýǵa bolady. Osy jyldyń sońyna deıin taǵy eki zerthana ashý josparlanyp otyr. Bul mamandyqtarda 579 magıstrant bilim alady. Olar álemdik ýnıversıtetterdiń standarttaryna sáıkes tájirıbege baǵyttalǵan bilim baǵdarlamalary negizinde oqıdy. Bilim baǵdarlamalaryn iske asyrýǵa Ońtústik Koreıa, Túrkıa, Qytaı, Polsha, Germanıa seriktes joǵary oqý oryndary qatysady.
You Might Also Like
-
QR Prezıdentiniń Pavlodar oblysyna sapary barysynda Pavlodar memlekettik ýnıversıtetiniń (PMÝ) stýdentteri ózderiniń bıznes-jobalaryn tanystyrdy.
-
Eń alǵash sirińke 1833 jyldyń 10 sáýirinde oılap tabylǵan. Sol kezde sirińkeniń basynyń massasyna sary fosfor engizildi. Dál osy kún alǵashqy sirińkeniń týylǵan kúni bolyp esepteledi.
