InfoHub Logo

Janýarlar álemdi qalaı kóretini sizdi qyzyqtyrǵan ba? Ǵalamsharymyz kóz kórip, qulaq estimegen qupıalarǵa tunyp tur. Ásirese, sanasyz dep ózimizden tómen qoıatyn jan-janýarlardyń eshbiri de tolyq zerttelip bitpegen. Al málim bolǵan erekshelikterdi bile bermeımiz. Osy olqylyǵymyzdyń ornyn toltyrý úshin "Janýarlar qalaı kóredi?" degen taqyrypta tómendegi sýretter men qysqasha málimetterdi nazarlaryńyzǵa usynamyz. 

 

Mysyqtar men ıtter

^{© depositphotos}

It pen mysyqtardyń kórý qabiletteri nasharlaý, olar kóptegen tústerdi ajyrata almaıdy sondyqtan álemdi qanyq túste kórmeıdi. Soǵan qaramastan, túnde kórý qasıeti adamdardan artyq. Bir qyzyǵy, olar úzdiksiz qozǵalys, áreketterge sezimtal keledi, tereńdikti qabyldaýy jaqsy damyǵan.

 

Balyqtar

^{© Anita Hart}

Akvarıýmdaǵy balyqtar últrakúlgindi kóredi, al aınalasyndaǵynyń barlyǵy úlkeıtilgen túrde kórinedi.

 

Qustar

^{© depositphotos}

Qanattylardyń kórýleri óte jaqsy. Túngi qustar jaryq joq ýaqytta jaqsy kóredi, al kúndizgi qustar adamnyń kózine kórinbeıtin tústerdi jáne últrakúlgin sáýlelerin kóredi.

 

Jylandar

^{© depositphotos}

Jylandar kúndiz kádimgi kózderin paıdalansa, túnde basqa "kózge" aýysady. Jorǵalaýshylar aınalasyndaǵy jylyqandy obektterdiń ınfraqyzyl jyly dabyldaryn ustap alýǵa beıim. Kúndiz jylandardyń kórý qabileti qımyl-qozǵalysqa táýeldi. Olar qımylsyz turǵan nárseni baıqamaıdy.

 

Tyshqandar men egeýquıryqtar

^{© Walt Jabsco}

Tyshqandardyń kózderi bir-birinen bólek qozǵalǵandyqtan olar eki kórinis kóredi. Qorshaǵan orta olar úshin tunyq emes, baıaý, kók-jasyl túste.

 

Sıyrlar

^{© depositphotos}

Jaıylym sıyrǵa jasyl emes, qyzǵylt sary jáne qyzyl túste kórinedi, sonymen qatar sıyrlarǵa  aınala úlkeıtilip kórinedi.

 

Jylqylar

^{© depositphotos}

Attardyń kózderi qyryn ornalasqan, bul olarǵa shalǵaıdan kórý múmkindigin beredi. Atalǵan erekshelik attarǵa tónip kele jatqan qaýipti tez sezýge kómegin tıgizedi. Alaıda, munyń da teris jaqtary bar. Máselen, at týra aldyndaǵy nárseni kóre almaıdy. Sondaı-aq, attar bir mezgilde eki beıneni kóretin bolsa, adamdar sekildi biriktirip, qoryta almaıdy. Olardyń túnde kórý qabileti adamdarǵa qaraǵanda jaqsy damyǵanymen, tústi ajyratý deńgeıi óte tómen. Iaǵnı, attar barlyq nárseni kók, jasyl túste, kóbine, sur túste kóredi.

 

Aralar

^{© depositphotos}

Aralar jaryqty adamǵa qaraǵanda úsh ese jyldam qabyldaıdy, sonymen qosa últrakúlgindi kóredi.

 

Shybyndar

^{© depositphotos}

Shybyndardyń kózderi kúrdeli. Olardyń kórýleri, myńdaǵan shaǵyn kózder bir sýretti qalyptastyrǵanǵa uqsaıdy. Shybyndar últrakúlgindi kóredi jáne álem olarǵa baıaý bolyp kórinedi.

 

Akýlalar

^{© depositphotos}

Akýla sıaqty sý asty jyrtqyshtary tústerdi kórmeıdi, biraq adamǵa qaraǵanda sý astynda olardyń kózi áldeqaıdy ótkir.

 

Qubylǵylar

^{© depositphotos}

Qubylǵylar 360 º kóre alady jáne kózderi bir-birine táýelsiz qozǵalady.

 

Túngi jarmasqylar

^{© depositphotos}

Túngi jarmasqylar qarańǵyda adamǵa qaraǵanda 350 ese jaqsy kóredi.

 

Kóbelekter

^{© depositphotos}

Kóbelekter— tańǵajaıyp jándikter. Kóz jitiligi nashar bolǵanymen, adammen salystyrǵanda kóp túster men reńkterdi jáne últrakúlgindi kóredi.

 

Oqýǵa keńes beremiz:

Janýarlardyń kórý qabileti jaıly qyzyqty derekter

---