InfoHub Logo

Sabaqtyń ataýy: Fıgýralardy árippen belgileý. Kesindiler salý.
Maqsaty: Kesindi jáne onyń uzyndyǵy boıynsha oqýshylardyń bilimderin pysyqtaý;
Kesindilerdi salý jáne olardyń uzyndyqtaryn ólsheý boıynsha bilikterin tıanaqtaý jáne daǵdylaryn qalyptastyrý;
Belgi boıynsha jazý úshin belgilerdi qoldaný.
Sabaqtyń túri: dástúrli sabaq
Sabaqtyń ádisi: Suraq — jaýap, oı tolǵaý.
Oqytý quraldary: oqýlyq, taqta

Psıhologıalyq ahýal
Balalar bir - birine «sıqyrly taıaqshany» bere otyryp, ózderiniń ıgilikti tilekterin aıtady:
Men bárińe Densaýlyq tileımin!
Men bárińe Qýanysh tileımin!
Men bárińe Meıirim tileımin!
Men bárińe shýaqty kún tileımin!
Men bárińe kóńildi oıyn tileımin! Jáne t. b.
– Jaraısyńdar, balalar! Endi, dostaryń senderge jaqsy tilekter aıtyp jatqanda qandaı kúıde bolǵandaryńdy aıta qoıyńdarshy?
(Balalardyń jaýaptary)

Maǵynany taný
Muǵalim kartochkaǵa jazylǵan «Syzyq, kesindi, núkte» sózderin oqıdy.
- bul sózderdiń barlyǵy senderge kishkentaı jańalyqtar ashýǵa kómektesedi. Sender núkte jáne kesindimen tanysasyńdar. Ótken sabaqta tanysqan syzyq túrlerin esterińe túsirińder. Olardy atańdar. Qaıshyny alyp túzý syzyqtyń bir bóligin eki jaǵynan kesip aldyńdar deıik. Endi kesindi paıda boldy. Kesindi eki jaǵynan núktemen shektelgen. Iaǵnı, onyń basy men ushy bar. Syzyqty biz eki jaǵynan sheksiz soza beremiz. T. s. s.
2. Oqýlyqpen jumys.
№1. «syzyq pen kesindiniń qandaı aıyrmashylyǵy, qandaı uqsastyǵy bar? Syzyqtardy ólsheýge bola ma? Kesindini she?» degen suraqtar qoıý.
№2. Bizge ólsheý úshin qandaı da bir ólshem kerek. Alıa qyzyl ólshemdi alyp kesindini ólshedi. Onyń ólshemin kesindige neshe ret sıǵyzýǵa bolady. Balalardyń nazaryn birdeı kesindini túrli ólshemmen ólshegen kezde, ár túrli shama shyǵatynyna aýdarý.
№3. Oqýlyqtaǵy ólshemdi alyp kesindini ólsheıdi.
№4. Oılaý qabiletin damytýǵa jattyǵýlar.
Fıgýralardy árippen belgileý. Kesindiler salý júkteý