InfoHub Logo

Búgin Erke qyz erekshe qýanyshty. Óıtkeni, jaqynda mektep tabyldyryǵyn attaıdy. Daıarlyq synybyna barmaqshy. Endi onyń súıikti ustazy, kóp dostary bolady. Tek mysyq qana ýaıymdap júr. Erke qyz sabaqtan kelgenshe kimmen oınamaqshy? Mektep tabaldyryǵyn attaý qurmetine ata-anasy jaqyndaryn, kórshi-qolańdaryn qonaqqa shaqyrǵan. Barlyǵy qonaq kútýge daıyndalyp, zyr júgirip júr. Erke qyz bolsa ústine anasy tigip bergen ádemi qos etek kóılegin kıip alǵan. Oıýly kamzoly da bar. Ózine sondaı jarasymdy. Bir kezde qonaqtar da kele bastady. Alaqaı, barlyǵy Erke qyzǵa syılyq alyp kelipti. Aına qyz anasy ekeýi Erke qyzǵa ádemi qýyrshaq syılady. Al dostary, ózderi jegen tátti kámıtterdiń qaǵazyn tastamaı jınap, úlken gúl jasapty. Bul rasymen de erekshe syılyq edi. Al Dúkenshi aǵaıdyń syılyǵy tipti keremet. Sómke. Iá, ıá, jaı sómke emes «ǵajaıyp sómke»! İshi tolǵan oqý quraly, kitaptar.

Kitap, qalap, dápter de,
Bári-bári ishinde.
Paıdaǵa asyr, balaqaı,
Munyń mánin túsin de.

Bilim alsań erinbeı,
Úmit kúter el senen.
Sondyqtan da dos bolǵyn,
Bul ǵajaıyp sómkemen.

Erinbeseń sómkeni,
Arqalasań eńbekpen.
Eldiń júgin arqalap
Kete alasyń kún erteń.

Zeıin qoıyp, zer salyp,
Jazý jazǵyn tym kórkem.
Boıǵa jınap bilimdi,
Bestikke tolsyn bul sómkeń,- degen tilegin de qosa aıtty. Barlyǵy Dúkenshi aǵaıǵa dý qol shapalaqtady. Erke qyz erekshe qýandy. Aǵaıǵa rahmet aıtyp, sómkesin arqasyna asyp aldy. Shyr kóbelek aınalyp bıleı jóneldi tipti. Mysyq ta qarap qalmady. Erke qyzben erkelep ol da sekirip júr. Bastapqyda kóńili jabyrqap júrgen mysyǵyn Erke qyz áldeqashan jubatyp qoıǵan. Erke qyz sabaqtan kelgenshe, mysyǵy Dúkenshi aǵaıǵa kómektesetin boldy. Árıne, ázirge onyń qandaı jumys isteri belgisiz.

— Áke, anashym, men endi bilimdi qyz bolamyn! Árip úırenemin, jazý jazamyn, esep shyǵaramyn! Alaqaı!- dep qolyn shapalaqtap máz boldy.
Kenet toqtaı qalyp, oılanyp ketti.

— Ne boldy qyzym, bári durys pa?- dep báıek boldy anasyn.

— Iá, bári durys. Tek, anashym, men bilim alǵan soń úlkeeen bolyp ósemin. Sol kezde kim bolamyn?

— Qyzym-aý, eń bastysy qazirden bastap paıdaly bilim alýǵa tyrys. Al bilimdi bolsań, qalaǵan mamandyǵyńdy ıgerip kete alasyń,- dep qyzynyń basynan sıpady ákesi.

Kim bolamyn,
Kim bolamyn óskende?
Bálkim ustaz bolarmyn,
Bilim nuryn shashatyn.
Bálkim ushqysh bolarmyn,
Kókten ary asatyn.

Bálkim kıip aq halat,
Men dáriger bolarmyn.
Sáýletshi bolyp ǵajaıyp,
Ǵımarattar salarmyn.

Bálkim, bárin qýantyp,
Dámdi as pisirip berermin.
Bálkim ǵalym bolyp men,
Bilim dánin terermin.

On saýsaǵym ónerli,
Tiginshi bálkim bolarmyn,
Álde, qalam alarmyn,
Tom-tom kitap jazarmyn.

Kim bolsam da erjetip,
Súıip ister isimdi,
Naǵyz maman bolamyn!
Apam-atam aıtpaqshy,
«Eń bastysy el súıgen,
Naǵyz Adam bolamyn!»
Páli, Erke qyz ózi aqyn eken ǵoı! Sirá, Dúkenshi aǵaıdan úırengen bolý kerek. Erke qyzdyń bul ónerine barlyǵy rıza boldy. Dastarhan basyna otyryp, úlkender barlyq búldirshinderge bata berdi. Búgingi kún erekshe boldy.

Balaqaı, kúni erteń sen de mektep tabaldyryǵyn attaısyń. Sol kezde, ustazyńdy zeıin qoıyp tyńdap, tereń bilim alýǵa tyrys. Jaraı ma? Sonda erjetkende úlken maman ıesi bolyp, elińniń naǵyz azamaty bolasyń! Biz saǵan senemiz!

---