InfoHub Logo

Ómirden kúder úzgen naýqastarmen jumys isteıtin meıirbıke, adamdar kóbine qandaı qatelikteri úshin ókinetini jaıynda jazypty. Naýqastardyń basqalarǵa qaıtalamaýǵa keńes beretin eń kóp taraǵan 5 qatelik mynalar:

Ólim eshkimdi de aınalyp ótpeıdi. Óz kezegińiz kelgende qandaı jaǵdaıda bolatynyńyz týraly, ómirińizdi qalaı súrgenińiz jaıynda oılanyp kórdińiz be?

Bronnı Ýeır (Brannie Ware) esimdi Avstralıalyq meıirbıke ómirden kúder úzgen naýqastardyń sońǵy 12 aptasynda kútim jasaǵan eken. Batyldyq tanytyp, naýqastardyń aıtyp júrgen eń kóp taraǵan qatelikterin túrtip alyp, Inspiration and Chai blogyna jarıalaǵan. Kóbine, jumysbasty bolǵan adamdar óz sezimderin jetkizý úshin batyldyq tanytpaǵandary, dostarymen qarym-qatynastyń úzilgenderi úshin ókinedi eken.

Eger de adamdar ózgeniń qateliginen sabaq ala bilse, bul tizim basqalardyń ómirlerin ózgertýge septigin tıgizer. Bul ómirmen qoshtasatyn ýaqytymyz kelgende, eshnársege ókinbeıtindeı bolý qajet.

1. Ómirimdi ózgeler emes, ózim qalaǵandaı etip súrer edim

Siz ózińiz qalaǵandaı ómirmen súrip jatyrsyz ba, álde ózgelerdiń qalaýymen be? Kóptegen adamdar óz ómirlerin basqalardyń úmitterine negizdeıdi. Qaı salada bolmasyn, jurt neni qalaıdy sony jasaıdy. Tipti ómirlik mamandyǵyn tańdaǵanda da, aldymen ózine unaı ma  demeı, otbasy, dostary jáne tanystary qalaı qaraıdy eken dep oılap turady. Nátıjesinde, olar basqalardyń: ata-anasynyń, ustazdarynyń, tanystarynynyń oıynan shyǵady da, biraq ózine kóńili tolmaı júredi. Ómiriniń kóp bóligin tyǵyryqqa tyǵylǵandaı, ózderin baqytsyz sezinedi. Eger de mundaı adam jasandy jaǵdaıdan shyǵyp, jasyryn armandap kelgen isimen aınalyssa, onda jan-jaǵynan narazylyqty kórip, birneshe dostarynan da aıyrylýy múmkin.

Muny qalaı boldyrmaýǵa bolady?

Ózińizge senimdi bolyńyz. Bar kúsh jigerińizdi jınap, oıyńyzdaǵydaı ómir súrmek bolsańyz, synǵa ushyraıtynyńyz ábden múmkin. Basqalardyń oıyn sabyrmen tyńdańdyz. Biraq aıtqandary kóńilińizden shyqpasa, mán berýdiń qajeti joq.

Olardyń aıtýǵa haqysy bar, al sizdiń qulaq aspaýǵa haqyńyz bar.

Siz bireýge jaǵý úshin ómir súrmeısiz.

Sondyqtan da qarym-qatynasty buzyp alam dep qoryqpańyz. Ýınston Cherchıll bylaı dep dál aıtqan «Seniń jaýyń bar ma? Keremet. Iaǵnı, sen kezinde óz oıyńdy qorǵaǵansyń»

2. Kóp jumys istemes edim

Qazirgi zamanda jumysqa basyńmen biraq kirip ketý qalypty jaǵdaı. Mundaı jaǵdaı tarıhta bolmaǵan, adamdardyń qoly bos emes, táýligine 12 saǵat nemese odan da kóp jumys isteıdi (HH ǵasyrdyń basynda qıynyraq bolǵany ras, biraq ol kezde tańdaý erki joq edi, al bizde bar).

Ata-analar balalaryn sırek kóredi, barlyq jaýapkershilikti ata-ájelerge nemese bala kútýshisine júktep qoıǵan. Adamdardyń qarym-qatynas jasaýǵa, jeke ómirine ýaqyt tapshy. Jumys árqashanda bárinen mańyzdy sanalady.

Iá, ómir súrý úshin jumys qajet, biraq ol keıbir adamdardyń ózin ózi baǵalaýda negizgi parametrge aınalyp ketken.

Muny qalaı boldyrmaýǵa bolady?

Unatqan isińizge ýaqyt tabylmaýy múmkin emes. Tek ýaqytty durys paıdalaný kerek. Eger qarym-qatynasqa ýaqyt joq bolsa, ıaǵnı, ol siz úshin mańyzdy is emes. Eger siz mereıtoılarǵa ýaqyt tappasańyz, onyń ornyna aınalysqan sharýańyz siz úshin mańyzdyraq degen sóz. Eger sportzalyna barmasańyz, onda sizge dene bitimińiz mańyzdy bolmaǵany. Iá, siz moıyndaǵyńyz kelmese de shyndyǵy osy!

Ár adamnyń bir táýliktegi saǵat sany birdeı – 24. Bıll Geıts sıaqty jeke kásipkerlerdiń, Ýorren Baffet sıaqty qarjy magnattardyń, Serena Ýıláms sıaqty ataqty sportshylardyń, Opra Ýınfrı sıaqty kógildir ekran maıtalmandarynyń menshiginde sizdikindeı ýaqyt.

Sizdiń saǵat pen mınýttaryńyz basqalardykinen kem dep oılaý úlken qatelik. Bárimiz bir ýaqyt sanaǵynda ómir súremiz. Tek bireýler ýaqytty tıimdi ótkizýge tyrysady, al keıbireýler ýaqyttyń tapshylyǵyn aıtyp, syltaýratyp júredi.

Ózińizge unaıtyn nársege ýaqytyńyzdy bólýge sanaly túrde den qoıyńyz.

Ómirde bárinen artyq neni baǵalaısyz? Óz ýaqytyńyzdy kóńilińizge unaıtyn nárselerge jumsap júrsiz be? Eger de sońǵy suraqqa «joq» dep jaýap qatsańyz, demek, oıyńyz ben isińiz eki túrli bolǵany.

3. Óz sezimimdi ashyq aıtýda batylyraq bolǵym keledi

Bul siz jaıynda ma? Oǵan óz sezimińizdi bildirýge qorqasyz ba? Ómirińizde sezimińizdi ashyp aıta almaǵandyqtan bireýlermen qoshtasqan, umytýǵa tyrysqan kezderińiz boldy ma? Rasymen solaı bolsa, siz jalǵyz emessiz. Siz sıaqty adamdar kóp. Oqyǵan, toqyǵan, symbatty da ashyq minezdi, biraq tanysqysy kelmeıtin, sezimge jurdaı bolyp keledi. Olar tanysý múmkindikterin paıdalanbaı jiberip alady.

Jan tynyshtyǵy úshin kez kelgen tanysý múmkindiginen bas tartyp, «maǵan laıyq emes», «onsha emes» t.s.s mıllıon syltaý aıtady.

Muny qalaı boldyrmaýǵa bolady?

Jiberip alǵan múmkindikterge ókinip otyrǵansha, jasaǵan qatelikterińnen sabaq alǵan jaqsyraq. Shyn máninde óz sezimin bildirgenine ókinetin adamdar az. Birinshiden, birden jeńildeı túsesiń, sebebi, ol adammen birge bolashaǵyń bar ma joq pa aıqyndalady. Sizden bas tartsa da, ony umytý ońaıyraq bolady, «kezinde aıtýym kerek edi» degen oı mazalamaıtyn bolady. Túptiń túbinde, «ne bolady?» dep ózińizden surap kórińiz. Bar bolǵany sypaıy túrde «joq» der. Al eger de sezimderińiz eki jaqty bolsa, onda batyldyǵyńyzǵa dán rıza bolasyz.

4. Dostarymmen qarym-qatynsty úzgim kelmeıdi

Dostyqty kóbine -  mansap, qarjy, jeke basyndaǵy jumystaryna baılanysty qurban etedi. Nege? Sebebi, bizge dostyqqa kóńil, ýaqyt bólmese de esh kúshin joımaıtyn máńgilik bolyp kórinedi. Sondyqtan da oǵan dostyq kezdesýlerdi jumysymyzǵa, romantıkalyq kezdesýlerge, basqa da mańyzdy isterge op-ońaı almastyra salamyz. Artynan joǵaltqan dostyq qarym-qatynasqa ókinemiz.

Muny qalaı boldyrmaýǵa bolady?

Dostarym qashan shaqyrady eken dep kútip otyrǵansha, ózińiz alǵashqy bolyp qadamdy nege baspasqa? Dostaryńyz sizden shaqyrtý kútip otyrýy da ábden múmkin ǵoı. Eger tyrysýyńyz beker bolyp, kezdesýge kelmese, onda qamyqpańyz, laıyqty dostyq emes degen sóz. Qoldan kelgenniń bárin jasaǵandyqtan, keıin ókinbeıtin bolasyz.

5. Baqyttyraq bolýdy qalar edim

Qatty qaıǵyryp júrsiz be? Árdaıym ómirińizdegi kishigirim qıyndyqtarǵa shaǵymdanasyz ba? Qolyńyzdaǵy bar nárseden lázzat alýdyń ornyna joq zattaryńyzdy túgendep, jiberip alǵan múmkindikterge ókinesiz be?

Kóptegen adamdar baryn baǵalaı almaı, qoldary jetpegen dúnıeni ańsap qaıǵyrýda. Sol qaıǵydaǵy adamdardyń kóbisiniń jabdyqtalǵan úıleri, turaqty jumystary, keremet otbasylary bar, jaǵdaılary jasalǵan.

Negizi halyqtyń turmysy jaqsarǵan saıyn, adamdar baqytty bolýdyń ornyna kerisinshe, baqytsyz bolyp bara jatyr. Nelikten? Sebebi adamnyń baqytty bolýy onyń materıaldyq jaǵdaıyna táýeldi emes, baqyttyń máni nede ekenin túsingendiginde.

Muny qalaı boldyrmaýǵa bolady?

Baqyt – ár adamnyń tańdaýy ekenin moıyndańyz. Baqytty birneshe faktorlardan turady dep esepteıtin adamdar barshylyq. Olar belgili bir nársege qol jetkizsem, birinshi, ekinshi, úshinshi dep qajetteri oryndalǵanda baqytty bolamyz dep oılaıdy. Biraq baqyt jetistikterge táýeldi emes. Baqyt – bul qolda barǵa qanaǵat qylýyń. Eger qalasańyz dál qazir baqytty bola alasyz. Baqytty bolýdy qalaısyz ba?

Ony bir ǵana sózben qalaı keremet jetkizgen:

There is no way to happiness, happiness is the way (Baqytty bolýdyń joly joq, baqyttyń ózi - jol)

Bul árbir adam jasaýy múmkin degen, eń kóp taraǵan qatelikter. Al siz she? Der kezinde aıta almaǵaı, jiberip alyp nemese qol jetkize almaı, ókingen tustaryńyz bar ma?

---