InfoHub Logo

«Garrı Potter jáne fılosofıalyq tas» fılmi bizge bala kezdegi armandarymyzdy , jaqsylyq árqashan zulymdyqty jeńetinin, dostyq kóptegen dúnıeden joǵary turatynyn jáne adam eshqashan ózine degen senimdiligin joǵaltpaýy kerektigin kórsetedi. 

Fılm sújetine zer salar bolsaq, fılm naǵashylarynyń qolynda óziniń shynaıy shyǵý tegin bilmeıtin jetim balanyń sıqyrshy ekenin tek 11-shi týǵan kúninde bilgendigin baıandaıdy . Al Garrıdiń balalyq shaǵy ótken álem múldem ózine tıesili emes edi. Endi ol Hogvarts dep atalatyn mekenniń eń joǵary sıqyrshylyq mektebine barýy kerek bolady. Ol ózi sıaqty sıqyrshylardyń arasynda ómir súretin jerde, jaqyn dostar tabady jáne batyl bolýdy úırenedi , tipti ata-anasynyń óliminiń úlken qupıasyn ashady.

Ol osy mektepte úlken jetistikterge qol jetkizip, óz esimin erekshe álemde tanyta bastaıdy.Sondaı-aq , bul fılmde aıta ketetini kórermen qulaǵynyń quryshyn qandyrǵan erekshe saýndtrek naǵyz áser syılap, aıryqsha kúıge bóleıdi. Qarama-qarsy álem beınesin túsirilimde kórsetýde dekorasıalar men tańǵaldyrarlyq peızajdardyń, túrli effektpen kórnektelgen kartınalardyń jáne fılmde úlken ról oınaǵan naǵyz sypyrtqylardyń mańyzy zor boldy.

Bárimiz biletindeı, kez kelgen fılmniń joǵary deńgeıde tanylýyna sebep bul - akterlyq quramnyń sújetke saı tańdalýy. Iaǵnı, fılmniń basty tartymdylyǵy-akterlyq quramdy tańdaý. «Garrı Potter jáne fılosofıalyq tas» fılminiń basty keıipkerleri: Denıel Redklıff, Emma Ýotson jáne Rýpert Grınt . Bul fılmdegi akterlyq quram ózderine berilgen róldi oıdaǵydan da joǵary dárejede alyp shyqty. Olardyń óz rólderine degen mahabbaty fılmdi álem deńgeıinde tanymal etti desek te bolady . 

Týyndynyń árbir sózinde jatqan mán-maǵyna ekranǵa myzǵymas dáldikpen jetkiziledi. Mundaǵy atmosfera kórermenin fılmdegi bolyp jatqan barlyq sıqyrdy sezinýge shaqyrady. Sóıleıtin sýretter , ózdiginen joǵary kóteriletin baspaldaqtary men joǵalǵan bólmeler ertegini eske túsirgenimen, qıalǵa qanat sermetip, sizge bar máseleńizdi umytyp, tek osy sújetke berilýge múmkindik jasaıdy.152 mınýtqa sozylǵan bul fılm otbasyńyzben birge tamashalaýǵa arnalǵan eń jaqsy tańdaý bolyp sanalady.

---